Jehovah’s Witnesses—Faith in Action, Part 2: Let the Light Shine
Fuo kusayo gu wirina nangia Rutherford na agu abakureako i aziko naayo ku bambukiso yo rogo 1919, bakere sunge naadu ho kumbatayo fu aBawiriki Ziazia Kekeapai i mangihe. A wa duhe rogo gu vidio nga Jehovah’s Witnesses—Faith in Action, Part 2: Let the Light Shine, aBawiriki Ziazia Kekeapai aduna badungu asogoyo, gayo giarogo Ziazia Kekeapai yo aasona kina kumbatayo, na gayo idapase agiri. (Snz. 4:18; Mara. 3:1-3; Yo. 15:20) Fuo bi oni gu vidio re, ya mo oni rengbe ka karagapai sa agi asanahe re?
(1) Gini agene aBawiriki Ziazia Kekeapai agbandaka wene pangbanga ngbaha? (2) Ginipai namangi ti regbo gu kikindigi adunguratise namangi rogo 1931 na 1935? (3) Gini banyanyakipa pai i afura tipaha rogo gu Ngbaõbambu Sinziri nangia ga Ngbangba 1, 1939? (4) Oni sakingo gupai namangi rogo gu ba nga Madison Square Garden ti regbo gu gumbapai Rutherford amangihe riihe adu nga “Government and Peace.” (5) Ginipai nangba gbe rogo gu gumbapai gu wirina nangia Knorr amangihe riihe adu nga “Peace—Can It Last?” (6) Rogo 1942, gini mbakadaapai aDezire Yekova amangihe tipa ka kiiso gayo sunge tungusapai? (7) Oni pekenga pa bete agu angbanga i apehe United States yo, Kanada yo, na Greece yo. (8) Wai gu sukuru nga Girada asa gupai nga sunge tungusapai sono kumbatayo? (9) Gini nyanyakipa sunge natona ka manga rogo 1946, na tipagine? (10) Gini apai aDezire Yekova amangihe tipa ka sa gayo sino mangaapai si niindu kuti agu arugute nga ga Ziazia Kekeapai? (11) Oni sakingo pa bete agu aˈariapai i amangihe bara rogo 1970 tipa ka sa gaani riigbu si niindu gbe kuti gu kpiapai du rogo Ziazia Kekeapai. (12) Wai gi vidio re naundo roni oni rugutironi wenengai na gupai nga Yekova du nanungusa gako riigbu? (13) Wai gi vidio re nanyakasi roni oni naatungusapai kindi zaaza kpakaraapai ki vura du vurũ? (14) Wai rengbe ani ka mangasunge na gi vidio re ka undo agumerani, gaani abawiriki Ziazia Kekeapai, gbiati kura aboro?
Aˈuru dunduko apai amanga nga gu narimo ku dagba agu apangbanga nga ga aDezire Yekova. Ginipai agu apangbanga re nika gumbaha tipa gu ome ani amangaha ka tungusapai? A wa awirinarani amangihe mbata kusayo, ani naasanga imarago asa kindi si ‘nihaasi rago’!—2 Kor. 4:6.