“Oni Fu Kuru Magazini Watadu gu Burosua Nafura Tipa Gupai Boro Aida ka Inopai Tipaha”
Vuru agu adiwi yo ani naakparaka gu buku nga Bible Teach na kini tona wisigo Ziazia Kekeapai na boro ti kina gu bambata regbo bi ani ní, i naangarasa rani ani “fu kuru amagazini watadu gu burosua nafura tipa gupai boro aida ka inopai tipaha” ho du gu buku re ni kina be irakporo na ka ní aidanga ani tona wisigo Ziazia Kekeapai na ní ya. Tipagine?
Aburosua na kuru amagazini na dungu apai rogoho nga gu naundo aundo. Pai rengbe arengba ka zio ngbadu irakporo yo rogo waraga sa dagba agu awaraga re. Sidu tie, ho oni ambakada agu awaraga ni oni aida ka ndu nani ku ba tungusapai yo, oni di dungu aburosua na kuru amagazini. Kangia kuru amagazini beroni te, oni rengbe arengba ka diaha be gu boro nangerefuo amagazini. Sidu, ka gu buku nga Bible Teach du kina be irakporo na ka ní aidanga oni tona wisigo Ziazia Kekeapai na ní ya, oni rengbe ka yugo agu amagazini watadu aburosua du beroni ki ya funi ní di gu ngba tiní. Fuo gure, oni mangi mbakadapai tipa ka karaga tironi fuoni tipa ka zugosi gani nyemupai. Isoke gu ye oni ka ye berewe re, oni nika tona wisigo Ziazia Kekeapai atona na ní.