Oni Mangisunge Wenengai na Kuru Amagazini

Wadu he nga kuru amagazini afunga undo fu boro ho i aigoho aigo ni zanga mangasunge na ni watadu ho i abaha ni kusayo te, si naida ani mangi ome ka kparakaha ti aboro. Magazini sa rengbe ka rimiso nyemu rengo ku ngbadu boro yo na ki sani nitona iriso Yekova. (Rom. 10:13, 14) Aberãpai gi du kusende re tipa wai ka mangasunge na kuru amagazini wenengai.

• Ho oni atungusapai ni rogo agu adagbarago i atungusanga pai rogoho dedede ya, oni rengbe ka mbu magazini fu agu aboro adunga tiikporo ya rogo gu ba kina airakporo sa nika bihe rogoho.

• Ho oni amanga dezirepai ni gbayaga rogo agu aba du wa gu torombiri aru rogoho, oni sana aboro si ngia i naida ka gedapai, oni yugu dungu kuru amagazini fuyo na ki mbuyo i sia gu ngba tiyo.

• Ho oni atungusapai ni rogo agu aba du wa ba zunda aroko ti mara, ba baga adawa, watadu gu kura aba du wa gure rogo gaoni dagbarago, oni mbu bete kuru amagazini rogoho. Si ngba angba ka sana ira ba mbataano ka ní duho. Ka oni bi gupai nga badungu amagazini kinaho rogo gu ba re, si aidanga oni mbu kuraha ho te.

• Ho oni ambakadatironi ni tipa ka karagatironi fuo boro, oni makiapa agu apai ngba tini. Ya mo ní na aborokporo beni? Ya mo ní nga gu boro ta naima ngba tini? Ya mo sopa bino ngba angba tini? Oni ngereke rogo kuru amagazini singia pai yo rengbe gedigedihe ka ngba ti ní, oni ki ndu na ni funi ho oni ka karaga tironi ni fuo ní.

• Ka oni gbia gu boro kporo oni aima gbia ní mbata du na nyemupai ti ní fuo manga oni ome gbe ka gbia ní berewe, oni yugu gu kuru amagazini funi nga gu ní aagbianga ya.