Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Wegebe

“Kura aboro idi kuti gupai nga Ziazia Kekeapai nga gu kitabu duna agu asangbaanebi rogoho rengbe boro arengba ka kido kuti ni. Aguyo nayawee Ziazia Kekeapai nagumba vunduvunduapai tipa kumbatayo nga gu rengbeyo ka giarogoyo ngba dungu agene. Gamo bipai nga gine tigamo?” Oni mbu ní tipa ní karagapai. Fuoho, oni ki fu gu Ngbaõbambu Sinziri funi nga ga Wegebe 1, na ki wisigi gupai na ní du tii gu bambata umba riipai du ti kpewaraga 16 na ki gedi veresi kandara sa. Oni fu magazini funi na ki mangi mbakadapai tipa ka ndu berewe fuoni ka sakapai tipa gu ue sanahe.

Ngbaõbambu Sinziri Wegebe 1

“Ani rengbe ka wirika badungu apai be agu abaworimo naraki bakuru kusayo. Ya mo ziree du? [Oni mbu ní tipa ní karagapai.] Gi veresi re nafura tipa kura baworimo sa, nga gu bangisa boro Ziazia Kekeapai naya tipa ní wee ní angia ‘badiangba Mbori.’ [Oni gedi Yakoba 2:23.] Gi magazini re nasakapai tipa gupai Mbori abi Abarayama ti ni nibadiangbako na gupai rengbe ani ka wirikaha ti ga Abarayama kpiapai.”