Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Wegebe

“Agu aboro ani nafura na yó i na gayo abipai tipa Ziazia Kekeapai nibakiakia. Gu kura aboro nagumba gupai nga Fugo Mbori du, ono agu akurayo kini ya si gbua nga kungbo buku. Gamo bipai nga gine tigamo?” Oni mbu ní tipa ní karagapai. Oni yugu gii gu Ngbaõbambu Sinziri yo funi nga ga Wegebe 1, na ki saki gupai na ní wa sa du tii bambata sanahe na ki gedi veresi kandara sa dagba agu averesi duho. Oni fu gu magazini re funi, na ki mangi mbakadapai tipa ka ye berewe ka karagapai kuti gu sanahe ngbefuo gure.

NGBAÕBAMBU SINZIRI Wegebe 1

“Badungu aboro naida avura nyasi. Ya mo mo naberãha nga uru adu kinaho zereda kidu rogo zegino dunduko zanga vura? [Oni mbu ní tipa ní karagapai.] Mo bingo gu kidohe du rogo Ziazia Kekeapai. [Oni gedi Atambuahe 46:9.] Si nipa ngbarago nga agu apai namangi ti regbo Bambata Vura Nga ga Zegino na tingbafuo nasarani ani du na kido nga barambeda Mbori nika digiso gi sangbanebi re ki nyasiriipa avura nyeanye kindi. Gi magazini re nasakarogoyo.”