Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Bamburu

Oni gedi Yesaya 42:8. Fuoho, oni ki yaa: “Ringbisihe kuti gi veresi re, Mbori na kina rimoko ti ni. Ya mo mo nabihe nga si ninyanyakipa pai ani nimangisunge na rimo Mbori? [Oni mbu ní tipa ní karagapai.] Mo bingo gupai gi magazini re apehe.” Oni fu gu Ngbaõbambu Sinziri funi nga ga Bamburu 1, na ki wisigi gupai na ní du tii gu bambata umba riipai du ti kpewaraga 16 na ki gedi veresi kandara sa. Fuoho, oni ki fu gu magazini re funi na ki mangi mbakadapai na ní tipa ka ye ka sakapai tipa gu ue sanahe.

Ngbaõbambu Sinziri Bamburu 1

“Mi naida ka sananga ro tipa ga bipai tipa gi nyanyakipa pai re. [Oni zaki kpewaraga 3, na ki yugu gu riiapai du rogoho.] Ginipai dagba agere nafura tipa gu bipai du mo nani tipa Ziazia Kekeapai? [Oni mbu ní tipa ní karagapai.] Mo bingo gupai Ziazia Kekeapai agumbaha tipa tihe nisaha. [Oni gedi ARomo 15:4.] Gi magazini re fura tipa nduapai bisue nga gu nasa Ziazia Kekeapai si du kia ti kura abuku na si nayugo wai rengbe ani ka gbia undo behe.”