Kpia Wai ka Kparaka Amagazini

Tipa ka Tona Wisigo Ziazia Kekeapai Rogo gu Bambata Rago Nzengu Nikadu Rogo Buza

“Badungu aboro aima digo nikpari gu kpee nga: ‘Ga ngbii ye. Ani mangi rogo kpotosende wa mo akpinyemuhe, wa duhe ngbangbaturũ yo.’ Mo naberãha nga ga Mbori ngbii nga gine? [Mo mbu ní ní karagapai.] Veresi gudu ane rogo Ziazia Kekeapai naundo rani ani ini guhe nga ga Mbori ngbii.” Oni gedi Daniere 2:44. Fuoho, oni ki fu gu Ngbaõbambu Sinziri nga ga Buza 1 funi na ki gedi gupai duti kpewaraga 28 tii bambata umba riipai na ki sakirogoyo. Oni fu gu magazini re funi na ki mangi mbakadapai na ní ka ye ka sakapai riipa gu sanahe ngbe fuoho.

Ngbaõbambu Sinziri nga ga Buza 1

“Wa duhe nga raka nikina wiri guruhe na kidu na badungu fudifudiapai rogoho, dungu aboro nabihe nga sunge ti raka te. Ya mo mo aberẽnga wa gure? [Oni mbu ní ní karagapai.] Ziazia Kekeapai nakido rani nga raka anyenga nigbegberẽhe wakina gere te. [Oni gedi Yugoti 21:4.] Gi magazini re nasakapai tipa gu ringbisapai du Mbori nani tipa kpotosende gbiati gupai rengbe mo ka mangaha tipa ka sa gamo raka si du na sunge ti ni.”