Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Zerekpe

“Ani nangarasa akuarani areme tipa i naageda gayo Ziazia Kekeapai. Ono dungu aboro naberã gupai nga si ima mbu tipa boro girogo Ziazia Kekeapai yo. Ya mo mo naberãha nga rengo du? [Oni mbu ní tipa ní karagapai.] Mo bingo gipai du re.” Oni yugu gupai funi du gii gu Ngbaõbambu Sinziri yo nga ga Zerekpe 1, na oni ki wisigi gupai nani du tii bambata sanahe na ki gedi veresi kandara sa. Oni mbu gu magazini re funi na ki mangi mbakadapai tipa ka ye berewe fuoni ka wisigo gu ue sanahe. Oni mangisunge na gu vovo Ngbaõbambu Sinziri du ho na ki mangisunge na gupai i akehe rogo gu Gaani Sunge Nga ga Kindo naafura tipa mangasunge na gu magazini ngaha re.

Ngbaõbambu Sinziri Zerekpe 1

“Agu aboro dunduko ani afura naayo nagbiatiyo na kpakaraapai. Gipai re nasa kura aboro i naabakabangiriyo tipa guhe nga rogo raka yo. Ginipai mo abihe nga si nga gu bakerepai nasa gupai nga ka aboro dunga na ngbarago areme ya? [Oni mbu ní tipa ní karagapai.] Ziazia Kekeapai nakidohe nga Mbori nika dia gu kpakaraapai ani agbiatirani nani areme kusayo barambeda. [Oni gedi Yugoti 21:4.] Gi magazini re nasakapai tipa gaani raka kumbatayo na wai rengbe ani ka raka gu raka duna rogoyo ti ni zavura awere.”