Kpia Wai ka Kparaka Amagazini

Tipa ka Tona Wisigo Ziazia Kekeapai na Aboro Rogo gu Bambata Rago Nzengu Nga ga Merekoko

“Bapatiza nga gupai dungu aKristano amangaha. Mo naberãha nga nyakipa bapatiza anyaka? [Oni mbu ní tipa ní karagapai.] Gi magazini re nagumba dungu apai furani tipa bapatiza.” Oni fu gu Ngbaõbambu Sinziri funi nga ga Merekoko 1, na ki wisigi gupai na ní du tii gu bambata umba riipai du ti kpewaraga 24 na ki gedi veresi kandara sa. Fuoho, oni ki fu gu magazini re funi na ki mangi mbakadapai na ní tipa ka ye ka sakapai tipa gu ue sanahe.

Ngbaõbambu Sinziri Merekoko 1

“Badungu aberãpai du aboro nani tipa Yesu. Kura aboro naberãha nga ko nga gu Masiya i agumba paye ko. Kurayo kini berẽhe nga ko angia kungbo wene sino boro gbua. Ono aguyo kini tikango ati nga boro ho naraki nangia Yesu te. Gamo berãpai nga wai tigamo? [Oni mbu ní tipa ní karagapai.] Ziazia Kekeapai nape gupai nga si ninyanyakipa pai boro ini gu rengo du tipa Yesu. [Oni gedi Yoane 17:3.] Gi magazini re na agu akaragapai rogoho Ziazia Kekeapai afuhe kuti gu bangua asanahe aboro asanaha nibipa Yesu.”