Ada Rengbehe ka Ngba Tiyo?
1. Ho ani ageda gu Ngbaõbambu Sinziri ni watadu Awake! nga gaani, ginipai si aida ani mangihe, na tipagine?
1 I nakeka Ngbaõbambu Sinziri gbiati Awake! tipa aboro rogo zegino dunduko. Sidu, gu kekeapai du rogoho nafura tipa badungu apai. Ho ani ageda gu magazini ni nga gaani, si naida ani berẽpa agu aboro rengbehe ka ngba tiyo na ki mangi ome tipa ka fuhe fu agu aboro re.
2. Gini apai i afura tipaha rogo gaani amagazini nga gu rengbe ka ngba ti kura aboro?
2 Ya mo gu vovo Ngbaõbambu Sinziri i nakusihe nasakanga pai tipa gupai mo afura tipaha kusayo na gamo badiasunge? Ya mo kekeapai ho nafura tipa ramukporo nga gu rengbe ka undo gumero? Ya mo boro ho mo naini ní nga guni nambakada pa nduge kurogo gu ringara nga gu i afura tipaha rogo Awake!? Ya mo magazini ho rengbe ka ngba ti agu aboro du rogo agu abasunge du rogo gaoni dagbarago? Nikpiapai, gu magazini nafura tipa gu kpakaraapai nagbia gbinza aboro ima rengba ka ngba ti agu aboro du rogo agu akporo nga ga agu aboro-wokote watadu gbinza aboro riigbu-fu-undo angerafuoyo. Tipa agu abasunge nanyakasa andiko, agu amagazini nafura tipa kuondiko ima rengba ka ngbatiyo.
3. Oni gumbanga pangbanga nga gu nayugo gupai ngbaha angba ti ni ka fu amagazini fu agu aboro agu apai du rogoho nika ngba angba tiyo.
3 Wene Sangbanaapai: Tifuo gu kura arogotise sa rogo gu ringara nga South Africa gedi gu Awake! nangia ga Tanvuo 2011 nga gu naafura tipa wai ka sonosa agude ngba wene gene, i ayambu asukuru 25 rogo gayo dagbarago na terefuni. Asukuru 22 naidi na agu amagazini re na ki kparakaha ti agude sukuru. Gu kura arogotise kina rogo gu bangisa ringara re amangipai wakina gure ki kparaka agu amagazini re rogo asukuru rogo gayo dagbarago. Abayugupai rogo sukuru sa dagba agu asukuru re amangisunge na gu magazini re ti gayo regbo gedapai. Agu arogotise re agumba gipai re fu babi adungurati. Ko angarasi badona adungurati tipa i ndu kurogo asukuru rogo gayo dagbarago. Badungu aboro nayambu be-basunge ka sanahe tipa gu magazini re si ki sa gupai nga i kusi gu bangisa magazini re akusa berewe nidunguhe!
4. Tipagine si aida ani kparaka amagazini ti ni fu badungu aboro?
4 Gaani amagazini nafura tipa ndu gupai apai amanga ti ni wa gu duhe areme re na si nagbeberã aboro kuti Ziazia Kekeapai gbiati ga Mbori Kindo. Si nga gu bangisa magazini rogo zegino dunduko “nataka pande pa bata.” (Yes. 52:7) Sidu tie, si naida ani naakparakaha fu badungu aboro. Gupai rengbe ka undo rani ani mangi gipai re wenengai nga pa sana ani tirani nga, ‘Ada rengbehe ka ngba tiyo?’