Mo Fura Tipa Magazini Sa Ono ki Fuhe Ue Dunduko

Agu apai du rogo gaani amagazini dunduko ngbaangba tipa ka fura tipaha. Ono kuba gupai nga ka fura tipa agu apai du rogo magazini dunduko fu bangisa boro sa, gupai si aidaha nga ka siapai gbua sa ki fura tipaha na boro. Ka ani du ni agu aboro nawisigo apai awisigo tipa aboro na ki inidi tirani na agu apai du rogo magazini, ani ima rengba ka siapai rogo Ngbaõbambu Sinziri watadu rogo Awake! nga gu rengbe arengba ka ngba ti irakporo. Nikpiapai, ka ani bi ga agude aũmbaro kporo, ani rengbe ka sia gu kekeapai rogo magazini nafura tipa ramukporo. Ka si du nga kumba du ani nagbia ko kporo, ani rengbe ka fura tipa gupai akumba afura afura tipaha gbe, wa gu nga wene zogarago. Ka si vura du vurũ nga ani fura gbua tipa magazini sa dagba agu nga Ngbaõbambu Sinziri na Awake!, ani fuhe afu ue dunduko fu gu boro du na nyemuhe.