Buza Nikangia Kparakpara Diwi Nga ga Sunge Tungusapai Rogo gu Pangbanga Nga ga aDezire Yekova!

1. Wa ani ambeda ka kiso agarã 100 wa i asigira ga Mbori Kindo, gini tua ani nika mangaha rogo zegino dunduko?

¹ Wa ani ambeda ka kiso agarã 100 wa i asigira ga Mbori Kindo, si rẽarẽ ani taasi rimo Yekova nimanga ani kparakpara tua! Rogo gu diwi nga Buza, ani nika manga tua rogo zegino dunduko ka kparaka gu trakte du rimoho nga Wari Rengbe Mo ka Gbia Akaragapai ni sa Agu Asanahe Nyakipaha Gbe? Gi trakte re nangarasa aboro i gbata akaragapai rogo Ziazia Kekeapai kuti agi asanahe re na kini sakipai tipa wai gu gaani bangiriba nga ga Internet nga jw.org narengbe ka undo yo.

2. Ginipai rengbe ani ka mangaha tipa ka fubee sa gu ‘taasarimo Yekova’ nika manga rogo gu diwi nga Buza?

² Taasarimo Yekova: Tipa ka undo abatungusipai tipa i kiisi gayo sunge tungusapai, i ima manga kparakpara mbakadapai tipa agu aboro nika ida ka tungusapai ni amoundo abazakigene rogo gu diwi nga Buza. Rogo gu diwi re, agu abatungusipai naima zio bapatiza aduadu na rengba beyo ka tungusapai ni amoundo abazakigene tipa asaa 30. Wa duhe nga Buza nika du na Rago Bisue, Rago Nzengu, gbiati Rago Poso rogoru yo bisue, badungu agu aboro namangasunge watadu aguyo nandu ku sukuru yo nika duadu na rengba beyo ka tungusapai ni amoundo abazakigene. Ka si du nga boro ho mo awirikapai na ni nga gu ni naima rẽ ka da ni batungusipai watadu gude nga guru naida ka da ni batungusipai, mo gumbaha fu barii gu gbuu nga ga abaakumba nibasa. Si adu ni bawenepai gbe tipa i gbiatiyo na ani ni abatungusipai rogo gu kparakpara diwi re! Wa vura duhe nga abazakigene ninaadia ongoda rogo gu diwi nga Buza tifuo digiso yo gayo asaa nga ga garã sa, i rengbe arengba ka manga ariapai rogo gayo ringbisapa regbo yo tipa wa ka i rengbe ka manga gi tua re na omeyo dunduko. Gere nga regbo fu aborokporo tipa i sakipai tipa gupai i nika mangaha tipa ka ‘taasarimo Yekova’ rogo gu diwi nga Buza.​—Eza. 3:11; Snz. 15:22.

3. Gini maabangirise du ani na ni nibipa gi kparakpara tua re?

³ Wa vura duhe nga ani aima manga ngbatunga atua wa gure mbataano, ani na gu maabangirise nga gere nika du ni banaruhe. Ya mo ani arengba ka da ti vovo bange asaa, abatungusipai, gbiati amoundo abazakigene rogo Buza? Wa ani kaa digiso gu garã nga ga sunge nga 2014, Yekova funga maku afu kurii gako aboro rogo zegino dunduko tipa i mangi dezirepai rogo Buza kisusi gu i naamangaha mbata!​—Mt. 24:14.