Kpia Wai ka Kparaka Trakte na Amagazini

Wari Rengbe Mo ka Gbia Akaragapai Ni Sa Agu Asanahe Nyakipaha Gbe?

Oni fu sene fu irakporo, na ki fu gu trakte re funi tipa ni bi gu riipai du ti kpotoho na oni ki ya funi: “Rogo zegino dunduko, ani nakparaka gi kpewaraga du na nyanyaki pangbanga rogoho re. Gamo gere.”

Ka si dunga oni nambu gu trakte re fu agu aboro adunga tiikporo ya, oni mbuhe rogo gu ba kina irakporo sa nika bihe rogoho, na ka oni kutukpangaha akutukpa gbegberẽ ya.

Ka irakporo du na nyemu ka fura, oni rengbe ka sana ni tipa gaani bipai tipa agu asanahe du ti kpotoho. Oni zaki gu trakte re, na ki yugu gupai funi Atambuahe 119:144, 160 agumbaha. Oni saki gupai funi nga gu trakte re na apai rogoho tipa bangiriba nga ga Internet nga gu rengbe ka undo ni ni gbia wene akaragapai rogo Ziazia Kekeapai. Oni rengbe arengba ka yugo kpiapai funi nimanga oni gu video nga Gupai Si Aida Mo Wiriki Ziazia Kekeapai Ti Ni? Mbata fu oni ndu, oni yugu agu asanahe biata funi du gii gu trakte re yo na ki sana ni nga ginigu ni aida ka inopai tipaha. Oni mangi mbakadapai tipa ka karagatise fuoni berewe tipa ka yugo wai funi rengbe boro ka gbia karagapai kuti gu sanahe re nimanga ni sunge na gaani bangiriba nga ga Internet nga jw.org. Ho oni ka karagatironi ni berewe fuoni, oni saki karagapai kuti gu sanahe re tii gu riipai nga BIBLE TEACHINGS > BIBLE QUESTIONS ANSWERED.

Ka si du nga oni nikaa kparaka waraga yambahe tipa bakere dunguratise nga ga aʹuru biata ti gu regbo re, oni fu gu waraga yambahe re funi ti kina gu bangisa regbo oni ka fu trakte funi na oni ki gumba gupai berewe nga, “Kupati gi trakte re, ani nafu waraga yambahe foro tipa bakere dunguratise nga gu du fu aboro dũ.”

Ngbaõbambu Sinziri Buza 1

Ti digido aposo ho du rengba adu ni, oni gumba gipai re tipa ka fu Ngbaõbambu Sinziri fu boro: “Ani naida a ka fu gaani vovo amagazini foro. Gi Ngbaõbambu Sinziri nakaragapai kuti gu sanahe nga, Ya mo Mbori naberã paro?”