Oni Mangisunge Nani Ti Aregbo Dũ
1. Sunge gu trakte nga Ya Mo Oni Nakpinyemu ka Ino Rengo? nga gine?
1 I ambakadi gu trakte nga Ya Mo Oni Nakpinyemu ka Ino Rengo? tipa si undo rani ani tona wisigo Ziazia Kekeapai na aboro. Ono si a nga wene ũsunge nga gu rengbe ani ka mangasunge nani tipa ka gbataka zende rengo. (Batu. 11:6) Bete aberãpai gu du kusende re tipa ka undo rani ani mangisunge na gu trakte re ngba wene gene.
2. Wai gu rengbe ani ka mangasunge na gu trakte re tipa ka tona fugodagbase?
2 Tona Fugodagbase: Oni rengbe ka fu gu trakte re fu irakporo, ki yugu bara agu asanahe sita du ti kpotoho na ki sana ní nga: “Gini sanahe dagba agi asanahe re oni aberẽnga kuriihe?” Fuo karaga ní pai, oni sakipai riipa gu karagapai du tipa gani sanahe rogo gu trakte re na ki gedi veresi sa dagba agu averesi du ke yó kina paha gbua. Oni gedi gupai du gii kpewaraga yo na ki fu gu buku funi nga What Does the Bible Really Teach? Ka ní avuranga dia gu buku re ya, ní ima dia gu trakte re, na si rengbe arengba ka ru tara rengo kpotoni yo.—Mt. 13:23.
3. Ka regbo adunga be irakporo ya, ginipai rengbe ani ka mangaha?
3 Ka Regbo Adunga Be Irakporo Ya: Oni rengbe ka yaa: “Wa adunga regbo beroni awere ya, mi nambu kina gi trakte re furoni. Si natangara asanahe sita nga gu dungu aboro asanaha na kini yugu agu akaragapai Ziazia Kekeapai afuhe kuti agu asanahe re. Ka mi bi roni berewe, oni ki gumbanga gupai fere oni aberãha.”
4. Ginipai rengbe ani ka gumbaha ka ani akparaka gu trakte re bangiri agene?
4 Ho Ani Atungusapai ni Bangiri Gene: Oni rengbe ka yaa: Oni asananga tironi na sanahe sa dagba agi asanahe re? [Oni mbu ní tipa ní karagapai.] Gi trakte re nayugo gu karagapai Ziazia Kekeapai afuhe tipa agu asanahe re.” Ka regbo duadu be gu boro re, oni rengbe ka sakapai nani riipa agu asanahe du rogo gu trakte re na ki fu gu buku funi nga What Does the Bible Really Teach?
5. Wai gu rengbe ani ka mangasunge na gu trakte re rogo agu akporo adunga airaha kporo ya?
5 Agu Aboro Adunga Tiikporo Ya: Rogo gu kura adagbarago, abatungusipai ninaambu awaraga ambu fu agu aboro adunga tiikporo ya rogo gu ba rengbe yó ka bihe abi rogoho. Ka si du nga kinawo duhe rogo gaoni ba, oni rengbe arengba ka mbuhe a rogo agu akporo adunga airaha kporo ya. Fuo karaga oni tironi, oni rengbe ka yaa: “Ani aye ane nigu uru zanga gbia roni tiikporo, ani kini mo ka mbu gi trakte re pangbadimo. Gini sanahe dagba agi asanahe re oni aida karagapai kutini?”
6. Gini apai nasa gu trakte re si du ni taata ũsunge tungusapai?
6 Gu trakte re nafura tipa rengo ngba gu gene du taata na kpadio. Si nazio ngbadu aboro pambori naabayo dunduko. Si taata tipa ka kparakaha, zavura rukutu agude gbiati vovo abatungusipai ima rengbe ka kparakaha. Ya mo oni namangasunge nani ti agu aregbo rẽarẽ dunduko?