Oni Fu ‘Wene Ahe’ Nidia Oni Aboro Kugume (Mt. 12:35)

Zanga kapa, ani dunduko naida ka fu “wene ahe” ‘nidia ani aguyo kugume naye koyo du ani ni.’ (Rom. 12:13) I nangarasa abaakumba nga i naangbembatayo rogo dia agu aboro kugume naye kaa manga gumbapai rogo gayo adungurati na kini fu riahe fuyo. Ono tie, ti kura regbo ani rengbe ka gunde agunde ti dia aboro kugume mbiko gunde ti dia aboro kugume watadu mbiko zingo. Ka ani berẽkurii gu rugute Yesu afuhe fu Marata, si undo rani aundo ani dibe ngbatunga agu aberãpai du wa gure. (Rk. 10:​39-42) Ko anyakasi gupai nga gu “wene” pai nyakipaha ho ani adia boro ni kugume gbe nga gu kodatise na ngarasaro ani agbiaha, angianga kina bawene riahe watadu bawene kporo ya. Ka ani mangipai kuti gi rugute re, ani ima rengba dunduko ka fu “wene ahe” fu awirinarani ringbisihe kuti Fugo Mbori.​—3 Yo. 5-8.