Mbakada Gaani Gene Tungusapai Oni mangisunge na gu buku nga “Oni Bánda Tironi Rogo ga Mbori Nyemuse Yo” ka Zio Ngbadu Aboro Yo

NDU GUPAI DUHE TI NI NA NYANYAKIPAHA: Si naida aboro wiriki ga Yekova arugute kini mangipai kuti ni tipa ko idi na gayo iriso. (Yes 2:3, 4) Gu buku nga “Oni Bánda Tironi Rogo ga Mbori Nyemuse Yo,” nga ue buku ani awirikaha na aboro, si naundo gaani abawiriki Ziazia Kekeapai tipa i bi wai rengbe yo ka mangasunge na gu bangua arugute nga ga Mbori na aʹuru dunduko. (Eb 5:14) Si naida ani mangi ome tipa ka zio ngbaduyo yo ho ani ayugopai ni fuyo, tipa i rengbe ka gbia ngarã ka manga ariapai rogo gayo raka yo.​—Rom 6:17.

WAI RENGBE BORO KA MANGAHA:

• Mo mbakadi gu buku re wenengai na ki moi pa gu boro mo awirika Ziazia Kekeapai na ni re ku ri ro yo. Mo mbakadi agu asanahe du tipa ka ino gani bipai tipa si undo ro mo rengbe ka rugatiro na gani aberãpai tipa gu wirikapai re. ​—Snz 20:5; be-E 259 watadu be-F 259

• Mo mangisunge na sanduki dedede tipa ka undo ga mo bawiriki Ziazia Kekeapai tipa ni bi nyakapa mangasunge na gu bangua arugute du rogo Ziazia Kekeapai yo

• Mo undo gu boro mo awirika Ziazia Kekeapai na ni tipa ni ini wai ka mangasunge na gani sangbakpotoseyo, ono ka mo mangingo diaberã fu ni ya.​—Gara 6:5

• Mo mangi sunge na tatamana tipa ka ino gu bangiriba si aida gamo bawiriki Ziazia Kekeapai mangisunge rogoho na agu arugute nga ga Ziazia Kekeapai. Mo ngarasi ni tipa ni mangi aariapai rii mburu gani nyemuse koyo du Yekova ni. ​—Snz 27:11; Yo 14:31