“Mi du re! Mo kédi re!”

Gu toro nangia ga futise naadu ti Yesaya ima rẽ tipa ani wirikihe. Ko adu na idapase na ki futiko ni ipo tipa ka mangapai, wa ko aavuranga ino agu apai nadu tipaha dunduko ya. (Yes 6:8) Ya mo mo rengbe ka mbakada agu apai du tipa ro tipa ka mangasunge rogo gu ba du na zingo abatungusipa Kindo rogoho? (Tam 110:3) Rengo ngaha nga, tipa boro ga ku rogo kura ba, si naida ni ini singia “marã be ni rengbe” tipa ni ndu. (Rk 14:27, 28) Si naida ani du zaaza tipa ka mbupa kura apai tipa gu sunge nga ga tungusapai. (Mt 8:20; Mk 10:28-30) A wa duhe rogo gu vidio nga, Ga ku Rogo gu Ba du na Zingo Abatungusipai Rogoho, Agu amaku ani agbiaha ti gu sunge nga ga Yekova ima kio kisusi pa agu ahe rengbe ani ka mbupaha.

FUO BI ONI GU VIDIO RE, ONI KARAGAPAI KUTI AGI ASANAHE RE:

• Gini kura apai agu aborokporo nga ga William yo ambupaha tipa ka mangasunge Ecuador yo?

• Gini apai i aberẽkuriihe mbata fu i sia gu ba i nika ndu ka mangasunge rogoho?

• Gini amaku i agbiaha?

• Wari rengbe mo ka gbia badungu apai ni tipa agu aba du na zingo abatungusipa Kindo rogoho?

TI REGBO GAONI IRISOMBORI NGA GA ABOROKPORO, ONI SAKIPAI TIPA AGI ASANAHE RE:

• Wai rengbe ani ka kiiso gaani sunge tungusapai wa ngia ani aborokporo? (km 8/11 kpe. 4-6)

• Ka gene adunga berani tipa ka ndu ka tungusapai rogo gu ba du na zingo abatungusipai rogoho ya, gini agene rengbe ani ka undo gaani dungurati ngbaha? (w16.03-E kpe. 23-25)