Tungusapai Gbiati Yugopai—Nga Nyanyakipa Pai Tipa ka sa Aboro ni Abawiriki

Yesu azinahe fu apefuoko i ndu ka sa aboro ni abawiriki. (Mt 28:19) Gipai re nakoda tungusapai na yugopai. Dedede, si naida ani nisana tirani nga, ‘Wai gu rengbe mi ka sona kumbatayo rogo gi nyanyakipa papara sunge nga ga sa aboro ni abawiriki re?’

TUNGUSAPAI

Kuba gupai nga ani nisungudi aboro i ye fuo rani, si naida ani gbata agu aboro zaaza rengbe ‘na dia rani kugume.’ (Mt 10:11) Ho du ani ni gene tungusapai yo, ya mo ani naagbata amomu tipa ka fura na agu aboro ani ‘agbia yo’? (Amo 17:17) Rudia ada ni bawiriki mbiko sangbana gu zaaza tungusapai nangia ga gu mokedi nangia Pauro.—Amo 16:13-15.

ONI MOI GU VIDIO NGA, KA ONI ‘PIRIGI NGA TI’ TUNGUSAPAI HO MO AMBAKADANGA TIRO NI TIPAHA YA NA ROGO AKPORO NA AKPORO, FUOHO, ONI KI KARAGAPAI KUTI AGI ASANAHE RE:

• Wai gu Samuere ayuguhe nga ko nagbata gene tipa ka ru tunga rengo rogo agu apai ko amangaha na aˈuru dunduko?

• Tipagine si aida ani kpatagara ti ni kuti angbatunga agene tungusapai dunduko?

• Da du rengbe mo ka tungusa gu pangbanga nga ga Kindo funi ti regbo agu apai mo amangaha na aˈuru dunduko?

YUGOPAI

Tipa ani sa aboro ni abawiriki, ani du wa ka ani mangi kura apai susi gu gbua nga ka fu waraga fu aboro. Tipa ka undoyo i sono rogo toroyo, si naida ani karaga tirani fuoyo na kini wisigi Ziazia Kekeapai na yo. (1Kor 3:6-9) Ono tie, na ka si du nga gu ome ani amangaha tipa ka yugo gu rengo nga ga Kindo fu boro akusanga sangbanaha wenengai te? (Mt 13:19-22) Si naida ani ndu kumbatayo kaa gbata agu aboro du ngbaduyo yo wa “mbudu sende.”—Mt 13:23; Amo 13:48.

ONI MOI GU VIDIO NGA, KA ONI ‘PIRIGI NGA TI’ TUNGUSAPAI GBAIGA NA KINI SA ABORO NI ABAWIRIKI YA, FUOHO, ONI KI KARAGAPAI KUTI AGI ASANAHE RE:

• Wai gu aSolomon na Mary atudi gu tunga rengo naadu ngbadu aEzekiel yo na Abigail?

• Si naida gaani sásá ngia gine rogo gaani angbatunga gene tungusapai dunduko, kodihe na tungusapai gbaiga?

• Wai gu rengbe ani ka maaberã rani kuti yugo rengo fu kura aboro?