Mbakada Gaani Gene Tungusapai​—Tona gu Fugodagbase Nga gu Nandu sa Manga Dezirepai

Yesu adu na rengba ka manga dezirepai fu dee Somorona ti gu regbo ko aambakadanga tiko ya mbiko ko atona fugodagbase na ri. Wai gu rengbe ani ka mbakada gaani gene tona fugo na gu boro ani ainongo ni ya?

• Mo du wa bakure na kini fura na aboro. Wa Yesu avura du na mbugo, ko atona fugo ni sanako he gbua tipa ime. Sidu, mo ima rengba ka tonaha na dawedawe sene na fuoho, mo ki fura tipa wai du rago rogo gu uru re watadu agu apangbanga namanga ti gu regbo re. Mo tingidi gupai nga, bambata sásá nga ka tona fugodagbase, sidu, mo fura tipa ai gu pangbanga rengbe ka ngba ti gu boro re. Ka ni akaraganga pai ya, gbegberẽpai ho te. Mo asadihe berewe na kura boro. Mo sana Yekova tipa wingbaduse.—Nem. 2:4; Amo 4:29.

• Mo ningere kpeere tipa ai gu momu rengbe ka kura tipa mo tungusi wene pangbanga, ono ka mo gunga agu sa ni ya. Mo mbu regbo tipa gu fugodagbase re dunguro wenengai. Ka mo mangipai ngbaome, rago ima rengba ka gberã ti gu boro re na ni ki mbu fugo. Ka rago gberẽnga tiro ya ka si du nga fugo digi mbata fu mo tungusipai. Ka si du nga mo nagunde agunde ka tona fogo tipa wene pangbanga, mo wiriki wai ka tona fugo angianga na gu sásá nga ka tungusapai ya. [Oni moi bambata vidio na ki sakipai tipaha.]

• Mo asadi ka kusa momu tipa ka tungusapai ni fura mo tipa gamo ida, nga gu ni ima rengba ka fõngbadu gu boro yo na degatuni foro ni sanahe mo sakipai funi. Yesu ape gupai nga gu nafõngbadu gu dee re yo ri fuku asanahe. Ho ko aye ni na wene pangbanga ni yangaraha, ko akaragapai gbua kuti gari asanahe. [Oni moi ue vidio na ki sakipai tipaha, fuoho oni ki moi biata vidio na ki sakipai tipaha.]