Mbakada Gaani Gene Tungusapai—Tona Fugo Tipa ka Manga Dezirepai Angianga Kuti Asino Mangaha Ya

Ndu Gupai Duhe na Nyanyakipaha Ti Ni: Dedede, ho ani atungusapai ni nitanga na ni ti akporo ani nabi gupai nga badungu aboro kporo te. Ono tie, ani rengbe arengba ka gbiayo ho ani andu ni na gu tarambiri natinda aboro, ho du ani ni bambu ngua yo, ho ani aongoda ni basunge yo watadu sukuru yo, na rogo gu kura aba. Yekova nakpinyemu gupai nga aboro dunduko duadu na mamu beyo ka gia gu pangbanga nga ga Kindo. (1 Tim. 2:3, 4) Dedede, tipa ka manga dezirepai, ani du si aida ani tona fugo na yo.

Wai Rengbe Boro ka Mangaha:

Mo nisia aboro asia. Ya mo gu boro re na nyemu ka fura na boro? Ya mo gu ba du oni rogoho rẽarẽ tipa fugo wenengai na boro? Kura abatungusipai naangera mbata bangiriyo na boro na ki momu tingbayo. Ka gu boro re momu tingbani fu yo a, i kini asadi ka tona fugo tie na ni.
Mo mangi guru kparakpee kukiri ka si du nga mo na wingbaduse ka fura te.—Nem. 2:4; Amo. 4:29.
Mo tonaha na taata fugo, wa gu nga sene. Yesu aatonanga fugo na dee boro Somorona tipa kina ga Mbori Kindo nibasa te. (Yo. 4:7) Ti kura aregbo, boro rengbe ka tona fugo na tambua boro: “Sino awiro ima ngba!” Sanahe nga gu kurapai rengbe boro ka tona fugo na ni: “Ya mo mo agi agu apangbanga i aapehe gba yuru rogo radio?”
Ho mo atona fugo ni na boro, mo gbata mamu tipa ka tona tungusa wene pangbanga, ono ka mo tonanga ha ni kina boro ipo ya. Oni fura afura mbata wenengai a wa sino aboro nidu. Mo rengbe arengba ka pe wenepai nga gu nika sani ni sanaro. Ni kpiapai, ka si du nga oni nafura riipa agu apai nabipa aborokporo, mo rengbe naya, “Mi abi rugute nga gu du tipa sonosa agude na si nga gu rugute rengbe boro arengba ka kido kutini.” Ka si du nga oni nafura tipa gupai oni agihe rogo pangbanga, mo rengbe naya, “Wene pangbanga kinaho mi nagedihe barambeda kusayo nga gu nayugo gupai nga ariapai nika manga amanga.” Ka rago gberanga tiro ka si dunga oni nyasi fugo na ni mbata fu mo mangi dezirepai ya.
Mo nita na atrakte watadu kura awaraga nga gu rengbe mo ka fuhe fu gu boro yugu nyemupai.

Mo Asadingo Gipai re Rogo gi Diwi Re:

Rogo aposo dunduko mo asadi ka tona fugo na boro kandara bara sa na gu sásá nga ga manga dezirepai angianga kuti asino mangaha ya.