Kpotosende ‘Ambiri Ime’

Ti aregbo ni bakiakia rogo gu pangbanga yo nga ga ga aboro raka, agbia ngbii aima undo ga Yekova aboro. (Eza 6:1-12; Est 8:10-13) Zavura ti gi gaani regbo re, ani ima bi “kpotosende”​—nga agu agbia ngbii du na ruru bipai​—i niimbiri “gu ime” nga ga arungosiro nga gu “daragona,” nga Satana Bakitingbanga aye na ni. (Yugo 12:16) Yekova, nga gu ‘Mbori nabatasa’ aboro, ima rengba ka sa agu abazogo nga aboro ti kura regbo i ye na zereda fu gako aboro.​—Tam 68:20; Snz 21:1.

Na ka si du nga i zi ro ku bambukiso yo tipa gamo idapase? Mo du na gu kido nga Yekova nabi ro abi. (Bam. P. 39:21-23; Tam 105:17-20) Mo du na gu kido nga i nika fu maku afu foro tipa gamo idapase na gamo kakuti manga rurupai nika ngarasa awirinamo rogo zegino dunduko.​—Frp 1:12-14; Yugo 2:10.

ONI BI GU VIDIO NGA, I AKUSI AWIRINA BAMBUKISO YO KOREA YO, NA FUOHO, ONI KI KARAGAPAI KUTI AGI ASANAHE DU KUSENDE RE:

• Tipagine i naba akutu awirina ti ni ku bambukiso yo South Korea yo vuru agu agarã yo susi?

• Gini sarangbanga nasa gupai nga i kusi awirinarani mbata fu i di bakere regbo ku bambukiso yo?

• Wai gu rengbe ani ka undo agu awirinarani du awere bambukiso yo mbiko gayo idapase rogo zegino dunduko?

• Wai gu si aida ani mangisunge na ai gu ranirii du berani awere?

• Da du du kugii agu adiabese ani nadu na ni rogo angbanga?