“Pa Aboro Adu Mbata Kina sa Rogo Zegino Dunduko”

11:1-4, 6-9

Babera yo, Yekova agbandaka agu aboro naagianga sangba ya ni unzuguro ko fugoyo. Areme ko nadungura bakere rimbasa aboro dagba ngbatunga aboro yo dunduko na afugoyo na kini fu “nzunzu fugo” fuyo tipa i “yambu he ti rimo Yekova ki nimangi pako kina ku bani sa.” (Zef 3:9; Yugo 7:9) Gi “nzunzu fugo” re nga gu rengo du tipa Yekova na gako ringbisapai a wa duhe rogo Ziazia Kekeapai.

Anga wirika vovo fugo gbua nga kaa zio vovo afugo ku riseyo te. Si nakoda wai ka berã ngba vovo gene. Wakina gure a, wa ani nikaa wirika gu nzunzu fugo nga ga rengo, gaani aberãpai naˈaria tihe. (Rom 12:2) Gi ariapai re namanga yeeye na si naundo ga Mbori aboro i du ni kodikodi yo.—1Kor 1:10.