Mbakada Gaani Gene Tungusapai​—Tungusapai fu Airavurari

NDU GUPAI DUHE TI NI NA NYANYAKIPAHA: Badungu airavurari naakpi nga nyemu kaa fura na agu aboro i ainongo yo ya te. Sidu tie, si naida na birĩ ka tungusapai fu ngbatunga agi aboro. Yekova nayugo nyemuse ayugo tipa airavurari. (Pa Mot 19:14) Ani du wa ka ani wiriki gako kpiapai ni gbata ani momu tipa ka undo yo rogo toro yo.

WAI RENGBE BORO KA MANGAHA:

• “Mo gbata” airavurari. (Mt 10:11) Ya mo mo ini gu boro du gani borokporo nga iravurari? Ya mo sukuru ho, ba ngerafuo airavurari watadu gu kura aba rogo gamo dagbarago nga ga naida agu awaraga nga ga airavurari?

• Mo yugu nyemuse. Ho mo ayugo nyemuse ni na ki yuguhe nga mo naberãpa ni aberã, si nika sa iravurari ka ni gundenga bero ya. Mo asadi ka tona fugo riipa gupai du rogo gu dagbarago re ni naima rengba kadu na nyemuhe

• Mo fu gu undo nga ga toro. Tipa ka undo airavurari, riigbu ima kusa awaraga ngba dungu arikoho. Mo sana gu boro re tipa gu gene ni akpinyemu ka wirikapai ngbaha. Si naida gu babiapai nangerafuo sunge tungusapai rugutise na gupai nga, gu moundo abaakumba nangerafuo awaraga ima hiiso fuomu tipa gu ngbatunga waraga gu iravurari re aidaha.