Ya mo Mo Natakpata Tipa Maku?

32:24-28

Tipa ka gbia ga Yekova maku ani du wa ka ani mangi ome nyanyaki tipa ka peresapa agu apai nga ga Kindo mbatayo rogo gaani raka yo. (1Kor 9:26, 27) Gu sosono bakumba nangia Yakobo ayugu gu bipai si aida ani du na ni ho ani amanga gu gaani asunge nga ga aKristano ni. Si naida ani mangi ome ka yugo na ni nga ani naida na ga Yekova maku ni . . .

• Mbakada ani adunguratise wenengai gbe

• Tungusa ani pai dedede

• Manga ani ome ka undo kura aboro rogo dungurati

Ka si vura du nga apai ima kpakara wai furani vurũ, ani kpari dedede tipa ga Yekova undo na kini gbata gako amaku kurii gu ome ani amangaha tipa ka irisoko.

MO SANANGA TIRO NGA, ‘Gini bangiriba rogo gimi raka yo rengbe mi ka manga ome nyanyaki tipa ka gbia ga Yekova maku?’