Ya mo Mo Mbakadi Tiro?

Ka si du nga gu gberãngo naye be ome zegino rengbe ka manga rogo gamo dagbarago, ya mo mo mbakadi tiro? Bazigizo, bakere bavugumo, we, na fufu ime ima rengba ka manga wa ikpirogumba na ki gbarasipa ahe ni kerehe. Kurigure, zubohe nga ga abamoi, vunduvunduapai, na ririakaza ima rengba ka manga rogo ai rago na zanga aboro inihe nga si nika manga. (Batu 9:11) Si aidanga ani berẽ gupai nga ka ngbatunga apai wa gure mangingo rogo gu ba ani araka rogoho te.

Ani dunduko nibasasa si aida ani mangi diandue tipa ka mbakadatirani tipa gberãngo. (Snz 22:3) Wa vura duhe nga ga Yekova riigbu naamanga apai amanga ho gberãngo amanga ni, ani nibasasa du na gu tindiro nga ga mbakadatirani.—Gara 6:5.

ONI BI GU VIDIO NGA, YA MO MO MBAKADI TIRO TIPA GU GBERÃNGO NAYE BE OME ZEGINO? NA FUOHO ONI KI KARAGAPAI KUTI AGI ASANAHE DU KUSENDE RE:

• 

  Wai gu rengbe ani ka mbakadatirani rogo toro yo tipa gberãngo?

• 

  Tipagine duhe ti ni ni nyanyakipa pai ka . . .

  • • fura na abaakumba mbata fu gberãngo, ti regbo gberãngo, na tingbafuo gberãngo?

  • • mbakada bara ahe ku rogo gu mongu nga ga tunguotunguopai?—g17.5-E kpe. 6

  • • sakapai tipa gu ngbatunga agberãngo rengbe ka manga na gupai rengbe oni ka mangaha tipa abangiriaba ni basasa?

• 

  Gini agene biata rengbe ani ka undo aboro ngbaha ho i agbiatiyo ni na gberãngo?