Mo Niraba Gamo Ome Nga ga Rugatinapai

Tipa gupai nga agu aboro naora ato abaangirã banda gayo abirĩ nga ga oto, si naida i naamanganga mangonvo kindi. Wakina gure a, si naida ani naamanga ome kindi tipa kaa raba gaani berã nga ga wisiga pa apai. (Eb 5:14) Wa vura duhe nga si ima rengba kadu furani taata tipa ani naamangapai kina kuti gu diaberã nga ga kura aboro, si naida ani wiriki wai kaa manga gaani adiaberã nitirani. Tipagine? Si wo mbiko aboro ni basasa nika karagapai tipa gayo adiaberã.—Rom 14:12.

Si aidanga ani berẽ gupai nga ani nikaa manga wene adiaberã mbiko gupai gbua nga ani ima manga dungu agarã wa ani azi bapatiza te. Tipa ka manga adiaberã, si naida ani moi gaani kido dunduko kuti Yekova, Fugoko, gbiati gako riigbu.—Yos 1:7, 8; Snz 3:5, 6; Mt 24:45.

ONI MOI GU VIDIO NGA “MO BANDA WENE SANGBAKPOTOYO,” NA ONI KI KARAGAPAI KUTI AGI ASANAHE RE:

• 

  Gini diaberã Emma agbia tiri na ni?

• 

  Tipagine si aida ani ne gumba gaani abipai ti ni nibi agu apai nabi pa ga boro sangbakpotoseyo?

• 

  Gini wene rugute nga ga tatamana kura arogotise sa ayuguhe fu Emma?

• 

  Wari gu Emma abi wene aberãpai ni tipa gari kpakarapai?