MO FU TIRO SA SUNGE TUNGUSAPAI | ONI KIISI GAONI NGBARAGO TINGBA SUNGE TUNGUSAPAI
Mo Yugupai fu Gamo Abawiriki Baibiri Tipa I Rigi Tiyo Rogo Toroyo
Tipa ka undo abawiriki Ziazia Kekeapai i ini Yekova na ki da ni agu aKristano naima nyaka rogo toro yo, abawiriki Ziazia Kekeapai du wa ka i wiriki kura apai kisusi agu arengo ani ayugoho fuyo. (Mt 5:3; Eb 5:12–6:2) Si naida gupai a nga i ini wai ka riga tiyo rogo toroyo ni tiyo.
Ti kina tonatona wisigipai, mo yugu wai fu gamo abawiriki Ziazia Kekeapai rengbe yo ka mbakada tiyo tipa gayo wisigo Ziazia Kekeapai na si naida mo ngarasi yo tipa i naamangaha wo. (mwb18.03 6) Mo ngarasi yo tipa i naamanga kparakpee mbata fu i tona gayo wisigopai nisase. Mo undoyo i ini wai ka mangasunge na gaani aũ wetekapai du rogo ataburet gbiati akompiuta. Mo sakipai tipa wai rengbe yo ka gbia gu vovopai du rogo jw.org gbiati JW Terevizioni®. Mo yugupai fuyo tipa i naageda Baibiri naˈuru dunduko, kaa mbakadatiyo tipa agu adunguratise nga ga dungurati, na kaa manga wetekapai tipa akaragapai kuti gayo asanahe. Mo undoyo i naaberãkurii gupai i awirikaha.
ONI MOI GU VIDIO NGA MO UNDO GAMO ABAWIRIKI BAIBIRI TIPA I RIGI TIYO ROGO TOROYO, NA FUOHO, ONI KI KARAGAPAI KUTI AGI ASANAHE RE:
Waigu Neeta niundo Jade tipa ri bi gupai nga anga wisigopai gbua nga ka ino akaragapai te?
Ginipai niundo Jade ri rugutiri na gupai nga si rẽarẽ Yekova sogo wasiwasi mangaapai?
Mo yugu wai fu gamo abawirikipai rengbe yo ka wirika nyanyakipa arengo na wai ka mangapai kuti ni
Ginipai Jade niye ka rugatiri na ni tipa berãkuriipai?