MO FU TIRO SA SUNGE TUNGUSAPAI | ONI KIISI GAONI NGBARAGO GENE TUNGUSAPAI YO
Mo Undo Gamo Abawiriki Baibiri Tipa I Sonosi Gayo Wene Pagume na Yekova
Yekova naida ani naairisoko mbiko gaani nyemuse koyo du ko ni. (Mt 22:37, 38) Nyemuse tipa Mbori du nika fu ome fu abawiriki Ziazia Kekeapai tipa i ru nyanyaki ho ka i du ni rogo asada. (1Yo 5:3) Gayo nyemuse du a nika fõngbaduyo yo tipa i mangi diaberã ka zio bapatiza.
Mo undo gamo abawiriki Baibiri tipa i bi wai Mbori nakpi nyemu yo. Mo rengbe ka sana yo na asanahe wa gu nga: “Ginipai gipai re ayugoho foro tipa Yekova?” watadu “Waigu gipai re ayugo ga Mbori nyemuse tipa ro?” Mo undo yo i bi wai Yekova aundo yo ni tiyo. (2Pka 16:9) Mo gumba pa wai fuyo Yekova nakaragapai kuti gamo akparakpee ni tiro, na mo ki ngarasiyo tipa i bi wai Yekova akaragapai kuti gayo akparakpee a. Si nafu bakere ngbarago furani ho ani abi gupai ni nga, abawiriki Baibiri nabi tiyo nga Yekova ima kpinyemu yo na i kini yuguhe nga i ima kpinyemuko a, na i naida kadu ni bakureako.
ONI MOI GU VIDIO NGA MO UNDO GAMO ABAWIRIKI BAIBIRI TIPA I SONOSI GAYO WENE PAGUME NA YEKOVA, FUOHO, ONI KI KARAGARAPAI KUTI AGI ASANAHE RE:
Gini akpakarapai Jade agbia tiri na ni?
Waigu Neeta niundo Jade?
Waigu Jade nidibe gari kpakarapai?