Mo Undo Gamo Abawiriki Baibiri I Ne Gbegberẽ Kpamiatise

Tipa kadu na wene pabakure na Yekova si naida gaani abawiriki Baibiri sia wene abakure. (Tam 15:1, 4) Wene abakure nika undoyo i mangi gupai du ni wenehe.​—Snz 13:20; lff wirikapai 48.

Si naida mo du na nunga ho mo aundo bawiriki Baibiri ni ni ne gbegberẽ abakure. Si ima rengba kadu fuyo ni kpakarapai tipa i mbu kodatiyo na kuru abakureayo. Sidu tie, si naida ani yugu ndikidi nyemupai tipa gaani abawiriki Baibiri. Gipai re nakoda kekapai fuyo rogo terefuni, yamba yo na terefuni, watadu ka ndu ka biyo kpuyo yo. Wa gamo bawiriki Baibiri nikaa manga sonakumbatayo, oni ima rengba ka yamba yo i ye tipa agu asungo nga ga ga Mbori aboro. Na gipai re nika undo yo i bi gupai nga i azanganga abakureayo te, kuba gure i nagbia wene abakure. (Mk 10:29, 30) Mo nika du a na bakere ngbarago ka bi wai ga Mbori aborokporo ange kina kumbatayo.

ONI BI GU VIDIO NGA MO UNDO GAMO ABAWIRIKI BAIBIRI TIPA I NE GBEGBERẼ KPAMIATISE, NA KI KARAGAPAI KUTI AGI ASANAHE RE:

• Ada nga gbegberẽ abakure?​—1Kor 15:33

• Waigu Jade aberẽpa wai adunguratise nika du?

• Waigu Neeta aundo Jade tipa ri gbia wene abakure kuba gbegberẽ abakure?