RAKA NI AKRISTANO

Ya mo Mo Mbakadi Tiro Tipa Regbo Bakere Zingo Marã?

Si azigbánga rani ho agu apai namanga rogo zegino asa gupai ni nga bakere zingo marã duho rogo zegino dunduko te. Tipagine? Bambiko ani naraka ti yangara arame na Baibiri nafu zahe furani ka ani moingo bangirani kuti ‘aũkumuko’ ya. (1Tim 6:17; 2Tim 3:1) Ginipai rengbe ga Bakindo Yosafata kpiapai ka yugoho furani tipa pa mbakadatise tipa bakere zingo marã?

Ho Yosafata agbiatiko ni na serekpohe be gu rikaaboro nangia avurako, ko akido kuti Yekova. (2Peka 20:9-12) Ko amangi adiandue a tipa ka mbakada gako rikaaboro ni meka ko nyanyaki agbata gbiati agu aba nga ga abanzengere. (2Peka 17:1, 2, 12, 13) Wakina Yosafata, si ni wenepai ani kido kuti Yekova na ki mbakadi tirani tipa regbo akpakarapai.

GINIPAI RENGBE ANI KA MANGAHA TIPA KA MBAKADA TIRANI TIPA REGBO BAKERE ZINGO MARÃ?

Mo mbakadi tiro rogo toroyo: Mo sonosi gu sino nga ga rengbabepai, na ki nyakasi gamo kido kuti ga Yekova rengbanapai ka fu agu ahe foro mo azingo tipaha. (Mt 6:26; 1Tim 6:8) Mo diberã ka zanga kuo gu bangua arengo nga ga Baibiri tipa ka gbia agu ahe re. (Rom 2:21) Mo berẽpa wai mo nikaa gbia agu ariahe nga ga toro ka si dunga agu ahe du wa we na internet ima kata. Mo banda bete awaraga na mo na ka rengba du, mo ki zogo awaraga ku rogo gamo ahu erekturoni mbu regbo kindi kumbatayo.

Mo mbakadi tiro rogo borose yo: Mo banda tiro ti bape gbiati ngbeka agu ahe adunga mo na zingoho ya mbata fu kere zingo marã tona. (Snz 22:7) Ka rengba du, mo igi bete ariahe gbiati gu kura ahe du na nyanyakipaha. Gu kura aboro ima rengba ka ru akpepasio pangba kporo tipa ka banda marã.

ONI MOI GU VIDIO NGA YA MO MO MBAKADI TIRO TIPA GBERÃNGO? NA FUOHO, ONI KI KARAGAPAI KUTI AGI ASANAHE RE:

Sura rogo gu vidio nga “Ya mo Mo Mbakadi Tiro Tipa Gberãngo?” Agu asura du rogoho nayugo Baibiri, mangu tunguotunguopai na terefuni, gbiati sura amekerago..

Gini apai rengbe ani ka mangaha nitirani tipa ka mbakada tirani tipa gberãngo?

Your answer

Sura rogo gu vidio nga “Ya mo Mo Mbakadi Tiro Tipa Gberãngo?” Awirina naundo na sunge fu undo ni mangayo sunge mekaarago na kini zogo aũsunge rogo tarambiri.

Waigu rengbe ani ka mbakada tirani tipa ka undo gu kura aboro?

Your answer