Ya mo Mo Naamangasunge Wenengai na Dede Fugo Baibiri?

Ginihe du nga dede fugo Baibiri? Dede fugo Baibiri nga dede afugo gu fugufugu sasa Baibiri nga New World Translation. I nakusa gi dedede afugo re yeye rogo dungu afugo. Pai sa du tipa gi dede afugo Baibiri re nga, si na afugo aboro ni bakiakia tipa agu aboro du payo rogo Baibiri yo. I nageda afugoho ngba wene gene kini nyakasihe tipa ka yugo gupai du rogo Baibiri yo ni ruruhe.

Gini aundo kura aboro nagbiaha ti dede fugo Baibiri? Dungu agu aboro ni naadegatuyo dedede kuti dede afugo Baibiri ima kpinyemu wai si asa Fugo Mbori fuyo ni ungaha. I nabi gupai nga, ho i agia afugo aboro ni ni bakiakia tipa agu aboro du payo rogo Baibiri yo, i na rengba ka bi agu apai ngba bangiriyo namangi rogo Baibiri yo wenengai na ki rugutiyo na gupai i akehe. (Snz 4:5) Dungu aboro bi gupai a nga, degatue kuti dede fugo Baibiri nafu wasa fuyo ho du yo ni na bakabangirise.—Tam 94:19.

Pa gia ani Fugo Mbori i nigedihe kuari ima rengba kadu na maapai kurii gaani raka. (2Peka 34:19-21) Ka si du nga papara dede fugo Baibiri watadu si nabaha kinaho rogo gu fugo mo naima inoho, ya mo mo rengbe ka saha ni sinoro kaa degaturo dedede kuti ni?

ONI MOI GU VIDIO NGA KUSA DEDE FUGO BAIBIRI—PAPARAHA, NA FUOHO, ONI KI KARAGAPAI KUTI GI SANAHE RE:

Ginipai ngba tiro nibipa kusa dede fugo Baibiri?