Kokkinakis v. Greece: Droit réservé
Tona ariyo ku garebee yo: West Virginia State Board of Education v. Barnette; Kokkinakis v. Greece; Taganrog LRO na Others v. Russia; Cha na Others v. South Korea
RAKA NI AKRISTANO
‘Banda Wene Pangbanga na Nyakasa Ha’
Ho asogo aYisaraere aˈasadi ni ka rugusa yo ti sunge bungia Yekaru, abamangisunge amangipai na omeyo dunduko tipa ka gbia gu rengo nga ga irangbii tipa ka ndu kumbatayo na gu sunge re. (Eza 5:11-16) Wakina gure a, agu aKristano du ti gi gaani regbo re namangapai na omeyo dunduko tipa ka gbia gu rengo nga ga airangbii wa ka i songodi wene pangbanga. (Frp 1:7) Tipa ka manga gipai re, i akusi Gu Rondo Nabipa Andiko rogo gu garã nangia 1936 rogo rii-basunge nga ga zegino. Areme, Gu Rondo Nabipa Andiko du Rogo Rii-Basunge Yo namanga mbakadapai tipa pa songoda agu apai nga ga Kindo rogo zegino dunduko. Waigu du gi basunge re nasongodi gu sunge nga ga Kindo na ki fu undo fu ga Mbori aboro?
ONI BI GU VIDIO NGA AGU APAI NAMANGA ROGO GU RONDO NABIPA ANDIKO DU ROGO RIIBASUNGE NGA GA ZEGINO, NA KI KARAGAPAI KUTI AGI ASANAHE RE:
Gini akpakarapai nga ga ndiko aDezire Yekova nagbiatiyo na ni?
Gini angbanga ani nadu na diabese rogoho? Mo funga kpiapai
Ginipai rengbe ani nibasasa dunduko ka mangaha tipa ka ‘banda wene pangbanga na ka nyakasa ha’?
Wari gu rengbe ani ka gedapai ni rogo gaani bangiriba nga ga internet tipa agu angbanga namanga nibi pa ga Mbori aboro gbiati rimo agu aDezire Yekova i nazi yo ku bambukiso yo tipa gayo idapase?