I Namangasunge Nyanyaki Tipa ka Ngarasa Rani

Ababi adungurati gbiati adiayo nayugo nyemuse fu agu aboro i ata kaa biyo. A wa duhe tipa rani dunduko, kura aregbo kinaho du yo na zingo, mbugo, gberãrago gbiati abakabangirise. (Yak 5:17) Ono wa vura duhe wo, rogo aposo yo nibasasa, i namaa berãyo tipa ngarasa agu awirina du rogo agu adungurati i andu kaa biko ho. Ababi adungurati ima “re na irisa susi.”​—1Tim 5:17.

Ho gu mokedi nangia Pauro aambakada tiko ni ka ndu ku Roma yo tipa ka “fu ga ziazia toro ũgume” fu gu dungurati naadu yo, ko amaaberã ko a tipa wai i nika ngarasa tiyo. (Rom 1:11, 12) Ya mo mo aberẽnga pa wai rengbe mo ka ngarasa gamo babi adungurati na diako, ka si du nga diako ti ni?

ONI MOI GU VIDIO NGA GU RAKA NGA GA BABI ADUNGURATI GBARIA YO, FUOHO ONI KI KARAGAPAI KUTI AGI ASANAHE RE:

• Rogo gini agene ababi adungurati gbiati adiayo ayugo nyemuse ngbaha fu dungurati?

  Your answer

• Waigu mo nagbia undo nitiro ti gu sunge i amangaha?

  Your answer

• Waigu rengbe ani ka ngarasa yo?

  Your answer