Oni Mangisunge na gu Kekeapai du ti Kpakpu JW.ORG Gene Tungusapai Yo

Agu apai du rogo gaani bangiriba nga ga internet na gu kekeapai gbiati avidio rogoho nga gu i ambakadihe tipa si zi ngbadu agu aboro yo dunduko du na wene ngbaduyo yo. (Amo 13:48) Si nafura dedede tipa agu apai du rogo apangbanga watadu agu apai aboro aberãha na kini fura tipaha.

Waigu rengbe mo ka mangasunge na gu kekeapai du ti kpakpu jw.org gene tungusapai yo?

• Mo nindu ku rogo gaani bangiriba dedede. Mo gbe berãro sa gu vovo kekeapai nakura, na ki bi wai rengbe mo ka mangasunge na ni ka undo agu aboro du na nyemupai. (Tipa ka bi gu kura kekeapai nga gu i nakusihe barambeda rogo gaani bangiri ba, mo norõhe ri gu kekepai nga “Mo Bihe Kumbatayo”) Pa geda ani agu apai nakura dedede rogo gaani bangiriba nika undo rani ani du na vovopai ka mangasunge na ni gene tungusapai yo.

• Mo mangi sunge na gu kekeapai gbiati avidio nakura ti kpakpu gaani bangiriba tipa ka tona fugo na aboro. Gi kekeapai na avidio re ima rengba ka undo rani tipa ani ini gupai aboro aberãha rogo gaani dagbarago.

• Mo yugu gu kekeapai du ti kpakpuhe fu aboro. Mo sia pai sa ka fura tipaha na ki yugu wai rengbe gu boro re ka gbia gu kekeapai re rogo gaani bangiriba.

• Mo kedi he fu gu kura boro. Kura aboro na ndundu tipa ka fura na ani gbayaga ono i ki duadu na nyemu ka ndu kurogo gaani bangiriba nga ga internet. Sidu, ka mo dunga na ndundu tipa ka keda kekepai watadu vidio fu gu kura boro nga gu kuru ti kpakpu gaani bangiriba nga ga internet ya.