Undo Tipa Mangasunge Na Gaani Bangiriba Nga Ga Internet

Gbia Gu Kekeapai Ninaakura Ho Mo Azaka Jw.Org Ni

Dungu awirinarani ninaamangasunge na gu kekeapai ninaakura ho mo azaka jw.org ni si nipa undo kaa mangasunge na ni gene tungusapai yo. Si taata mo kedihe fu kura boro rogo erekturoni, na dedede, si naasakapai tipa wai agu apai namanga awere adigiso gu sangbaanebi nga ga Baibiri. A wa gu kura wirina sa ni kumba akehe, gu kekeapai re ima du nzunzu ni gupai ani aidaha nibipa wai ani amanga gaani sunge tungusapai awere.

Ono dedede, i naambunga kina bangisa kekeapai te i naˈariaha aria na gu kura kekeapai, sidu, waigu rengbe mo ka bi gu kekeapai akuranga berewe nibasa ho mo azaka jw.org ni ya?

• Rogo jw.org, mo noro guhe nga “See More” nga gu du barii gu kekeapai nga gu ni naakura kuari yo. Ho mo nika noraha ni, si nika zaka gupai nga “Recently Featured on the Home Page,” yo mo nika bi badungu gu kekeapai re ni.

• Rogo jw.org watadu rogo JW Library^®, mo sia “Library,” fuo gure mo ki ndu ku rogo “Article Series,” na ni yangaraha, mo ki ndu ku rogo “More Topics.” Gi bangiriba re na dungu gu kekeapai rogoho nga gu i nakusihe rogo gaani bangiriba nga gu kekeapai ninaakura ariyo.