Abakindo Ue Nasogote Dagbatiyo ti Yangara Aregbo
Abakindo Ue Nasogote Dagbatiyo ti Yangara Aregbo Agu asangbanebi i napeke paha rogo gi gbakigbaki asura re nafura tipa agu apai namanga ti bangisa regbo sa. Si dunduko nayugo gupai nga ani naraka ti ‘digida rago.’—Dan. 12:4.
Veresi (averesi) Yugo. 11:7; 12:13, 17; 13:1-8, 12
Sangbanebi “Nyarinde” nata auru kpotosende tipa dungu akama agarã. I ogõ saba rii nyarinde ti digido rago. Kusa, gu rii nyarinde re hu na “aboro kpotosende dunduko” napeka ru. Satana namangasunge na nyarinde tipa ka “so vura na yangara [aboro].”
Digisidigisihe Tingbafuo Ime Akangbii, agu azogarago nasoga Yekova atona zogarago. Fuo dungu akama agarã kusa, ti regbo gu Bambata Vura Nga ga Zegino, gu zogarago nga ga ringara aNgirisi arungbura ni kerehe. Si ada ni nyanyakihe berewe ti gu regbo si akoditihe na Amerika. Ti digido regbo, Satana ninaamangasunge na agu azogarago dunduko du auru kpotosende tipa ka rungosi ga Mbori aboro.
Veresi (averesi) Dan. 11:25-45
Sangbanebi Ti digido rago, bakindo nga ga nodiyo na bakindo nga ga sudiyo nasovura dagbatiyo tipa pagbia.
Digisidigisihe Germani asovura kuti ANgirisi na Amerika. Rogo 1945, Soviet Union na agu aringara naasongodaha ada ni bakindo nga ga nodiyo. Rogo 1991, Soviet Union ati, na fuo regbo kusa, Russia na agu aringara nasongodaha ki da ni bakindo nga ga nodiyo.
Veresi (averesi) Yes. 61:1; Mara. 3:1; Rk. 4:18
Sangbanebi Yekova akedi gako ‘bandusunge’ tipa ni “mbakadi gene” mbata fu i sigira gu Kindo Nga ga Masiya. Gu ‘bandusunge’ re atona ka ‘tungusa wene pangbanga fu rungorungo aboro.’
Digisidigisihe Tona rogo 1870 ka ndu kumbatayo, C. T. Russell na gu kura aboro naadu na ko awisigi Ziazia Kekeapai wenengai gbe tipa ka ino gupai nzunzu si ayugoho. Rogo 1881, i atona ka nyakasa gupai nga si naida ga Mbori amoyambu naatungusapai. I akusi kekeapai wa gu nangia “Wanted 1,000 Preachers” na “Anointed to Preach.”
Veresi (averesi) Mt. 13:24-30, 36-43
Sangbanebi Kare ami bakere rende ku rogo ati morũ, na i ambu gu rende re si sono ki furi morũ da kuho regbo keahe nika da ni; fuani, i kini kpara rende ti morũ.
Digisidigisihe Tona rogo 1870 ka ndu kumbatayo, gu kparakparapai du dagba ndikidi aKristano na ziree aKristano aima da ziazia gbe. Ti digido rago, i nadungura ndikidi aKristano kini kparayo ti ziree aKristano.
Veresi (averesi) Dan. 2:31-33, 41-43
Sangbanebi Gu ndue du rogo marã yo na pere, si nga ndu gu kpiahe i nambakadihe rogo dungu ngbatunga amarã yo.
Digisidigisihe Pere narukuba agu aboro gu zogarago nga ga ANgirisi na Amerika azoga yo nga aguyo nasamungu kuti agu azogarago re. Agu azogarago re arengbanga ka mangasunge na gaha ome dunduko te mbiko agu aboro re.
Veresi (averesi) Mt. 13:30; 24:14, 45; 28:19, 20
Sangbanebi I nadungura “morũ” ku rogo “gbamu” na i namaa “kangara moyambu” kurii “aboro.” Tungusa gu “wene pangbanga nga ga Kindo” tona kaa gbandaka ku “rogo zegino dunduko.”
Digisidigisihe Rogo 1919, i amoi kangara moyambu kurii ga Mbori aboro. Tona ti gu regbo re ka ndu kumbatayo, aBawiriki Ziazia Kekeapai atona kaa tungusapai bakere gbe. Areme, aDezire Yekova natungusapai rogo aringara naima susa 200 na kini kusi agu awaraga du mburuhe rii Ziazia Kekeapai rogo afugo bangehe naima susa 1,000.
Veresi (averesi) Dan. 12:11; Yugo. 13:11, 14, 15
Sangbanebi Nyarinde du na agbangaru ue naya fu aboro auru kpotosende i mbakadi “kpia nyarinde fu aboro,” na nafu “onga fu kpiahe.”
Digisidigisihe Gu Zogarago Nga ga Angirisi na Amerika Kurii Zegino naatona gu riigbu nga League of Nations. Kura aringara atona songoda gi riigbu re. Niyangaraha tie, bakindo nga ga nodiyo kini kodi tiko na League of Nations—ono gi gayo kodatise re adu tona rogo 1926 kuti 1933. Aboro aberẽ gupai nga League of Nations nika ye aye na zereda ku rogo zegino, nga gupai kina ga Mbori Kindo sa narengbe ka mangaha. Aboro aima du a na gi bipai re tipa Yu-eni (UN).
Veresi (averesi) Dan. 8:23, 24
Sangbanebi Bakindo nga guko nangera ni kerehe naye na “baiiriwo gbarasahe.”
Digisidigisihe Gu Zogarago Nga ga Angirisi na Amerika Kurii Zegino ima imo badungu aboro na ki ye na bakere gbarasahe. Ni kpiapai, ti regbo Ue Vura Nga ga Zegino, Amerika aba kerekere abombu ue kurii aboro nga aguyo nangia avura ANgirisi na Amerika. Gi ũvura re amangi gbarasahe ni kerehe kisusi agu aũvura dunduko naadu mbata fuhe.
Veresi (averesi) Dan. 11:31; Yugo. 17:3, 7-11
Sangbanebi “Zamba” nyarinde du na agbanga ru bawe nakura rogo gu due zanga mburuhe na u nga muambe bakindo. Gu buku nga ga Daniere nayamba gi bakindo re nga “gu kere gbegberẽ he nagbarasa he.”
Digisidigisihe Ti regbo Ue Vura Nga ga Zegino, League of Nations adigi. Tingbafuo gu vura re, i kini “dua” Yu-eni (UN). A wa si adu tipa gu riigbu naadu mbata fu Yu-eni (UN), aboro nafu gu taarimo fu Yu-eni (UN) si aida kina ga Mbori Kindo gbiaha. Yu-eni (UN) nika zubo pambori.
Veresi (averesi) 1 Tesa. 5:3; Yugo. 17:16
Sangbanebi Rikaaboro natakapandepa ‘zereda na ngbabase,’ na ‘agbanga bawe’ nga ga nyarinde gbiati gu “nyarinde” re nazubo “debari” na ki gbarasi ri. Fuo gure ngbutuko, i kini gbarasi gu rikaaboro re.
Digisidigisihe Rikaaboro nika ya i ima ye na zereda gbiati ngbabase ku rogo zegino. Fuani, gu rikaaboro nasongoda Yu-eni (UN) kini gbarasi agu ariigbu nga ga ziree pambori. Gere nika ngia tonatona bakere gberãngbi. Gu gberãngbi re nika digo ho Yesu nika gbarasa yangara ga Satana zegino ni ti regbo Aramegido.
Veresi (averesi) Yeze. 38:11, 14-17; Mt. 24:31
Sangbanebi Gogo nika zio gu ringara nga ga ga Mbori aboro. Fuo gure, amaraika kini dungura “siasia aboro.”
Digisidigisihe Bakindo nga ga nodiyo gbiati kura azogarago nika zubo ga Mbori aboro. Tingbafuo gi zubohe re tona, i nika dungura yangara mbedimbedi aKristano ku ngbangbaturũ yo.
Veresi (averesi) Yeze. 38:18-23; Dan. 2:34, 35, 44, 45; Yugo. 6:2; 16:14, 16; 17:14; 19:20
Sangbanebi “Gu ko nasungu” rii “farasi ni pusi ru” nika “dia be apai” ni yangaraha ni gbarasa ko Gogo na gako riivura. I nika ba “nyarinde” ku ‘rogo ngirimo we,’ na i nika gbarasa bakere kpiahe.
Digisidigisihe Yesu, nga guko nazogarago ni bakindo nga ga ga Mbori Kindo nika batasa ga Mbori aboro. Ko na agu aboro ko nika zogarago na yo du bangeyo nga 144,000 gbiati amaraika nika gbarasa gu rikaaboro dunduko nika zubo ga Mbori aboro, gbiati ga Satana zegino naabaha.