Mo Ima Rengba ka Sia Wai Gamo Raka Nika du Kumbatayo

Agarã wa 3,500 kusayo, Yekova Mbori agumba gupai fu airisiko si aida i mangihe tipa ka gbia wene raka kumbatayo, ko aya: “Mi ringbisi unga na kpio fu roni, maku na motiwa, si du oni sía unga, oni ki nye ni ungaroni, oni na awironi a.”—Pa Fu Rugute ni Ue he 30:19.

Tipa ka gbia wene raka kumbatayo, si aida agu aboro re mangi wene siapai. Si naida ani mangi kina gu bangisa siapai re areme a. Baibiri nasaka gupai nga ani rengbe ka sia wene raka kumbatayo: Ni ‘kpi nyemu Yekova gaani Mbori, na ni gia fugoko.’—Pa Fu Rugute ni Ue he 30:20.

WAIGU RENGBE ANI KA KPINYEMU YEKOVA NA KI NI DEGETURANI FUKO?

MO WIRIKIPAI ROGO BAIBIRI: Tipa ka kpinyemu Yekova, gu bambatapai si aida mo mangihe nga ka wirikapai tipa ko rogo Baibiri yo. Wa mo nikaa mangaha, mo nika bi gupai nga, ko nga gu Mbori du na nyemuse na ko naida gupai du ni wenehe tipa ro. Ko naida mo mangi kparakpee fuko ‘mbiko ko naberã pa ro.’ (1 Petero 5:7) Baibiri nafu gu kidohe nga, ka mo mangi ome ka mbeda na ko, ‘ko nika mbeda na mo a.’—Yakoba 4:8.

MO MANGI GUPAI MO AWIRIKAHA: Mo degeturo fu Mbori nipeka mo fuo agu arugute nga ga tatamana du vuru Baibiri yo. Ka mo aamangaha wo, “si du mo ka u ti ni rogo gamo apai, mo ki du ni iratatamana.”—Yosua 1:8.