Ani Ima Rengba Ka Diabe Sogote!

Ka si du nga mo aagbianga tiro na ni te, si nawira wa mo aima bihe ngba kura gene. Ani ninaagia pa aboro dedede i asoga yo mbikopa du yo rogo gu kura ringara, pa rangi kpotoyo, watadu pa manga yo gu rogatise du dagba kumba na kumba watadu dee na dee. Ni sangbanaha, dungu airangbii nakusa agu andiko nasa gupai nga i naafu mbusa fu agu aboro nasoga kura ngbatunga aboro.

Agu aboro i naasoga yo ninaasoga kura ngbatunga aboro dedede a. Pa sogayo agu aboro i asoga yo nasa gupai nga sogote naandu kindi kina kumbatayo.

Isoke mo aima gbiatiro na gupai nga ga kparakaro, gbegberẽ bipai, sawiahe, sengahe watadu aserekpohe. Ono tie, gu kura apai kinaho berewe sogote narengbe ka mangaha. Si naye dedede na apai wa kere zinga, zubo boro na pai ni wia, gbarasa pa ahe, kodaba na boro ngbaome, imo boro, watadu imo tunga aboro kusayo kpäkäyä.

Gi magazini re nika karagapai kuti agi asanahe re na ki yugu wai ka diabe sogote:

• Tipagine sogote namoipai ti ni?

• Waigu rengbe ani ka rugusa sogote?

• Ya mo regbo aduho nzunzu sogote nikaa dunga berewe ya?