Mbori Naberã Paro Aberã
BAIBIRI na wene arugute rogoyo furani bambiko si aye be Mbori. Anga buku amunganga ngaha te, ono si ima rengba ka undo rani na agu apai rengbe ani ka mangaha tipa ka mangapai kuti kere akpakarapai, kere afuda nga ga berãse yo, kere aimisiri, gbiati agu akpakarapai nga ga borose na ga berãse.
Gu nyakipaha kisusi nga, Baibiri nafu gu kido furani nga gu Bakusirani nga Yekova Mbori,a ima rugatiko na gaani aberã gbiati wai du ani kisusi aboro dũ. Ko na nyemu ka undo rani tipa ani dibe agu akpakarapai ani agbia tirani na ni. Ni kpiapai, mo bingo apai ue rogo Baibiri yo nga gu nafu wasa:
“Yekova du mbembedi na agu yo du kpotoyo yo na rungo, ki nibatasi agu yo toroyo naima be ingapai.”—ATAMBUAHE 34:18.
“Mi nga Yekova nga ga Mbori, nazada kumba bero; mi du naya foro, ‘Ka mo gúnde nga ya, mi aúnda ro.’”—YESAYA 41:13.
Ono waigu Yekova aundo rani ani mangipai kuti gu kpakarapai nga ga kaza berãse? Awa mo nika bihe rogo gi kekeapai re, Yekova nayugo gupai ayugo nzunzu nga ko naberã parani aberã rogo dungu agene yo.
a Yekova nga rimo Mbori.—Atambuahe 83:18.