4 | Baibiri Nafu Agu Arugute Du na Undo ti Ni

Gupai si Ayugoho?

Wa vura duhe nga Baibiri nga buku amunganga te, si nafu wene arugute nga gu du na undo ti ni. Agi arugute re rengbe ka undo gu boro nasota na gu kpakarapai nga ga kaza berã. Mo bingo akpiapai.

Wai Rengbe Gipai re ka Undo

“Agu aboro nyaki anyaka i aida nga na munganga te, ono kina agu yo du na kaza.”—MATAYO 9:12.

Baibiri nayugo gupai nga si ima rengbe ka ida ani gbata gene husa. Dungu agu aboro du na gu kpakarapai nga ga kaza berã ima gbia undo ni wirika yo gu ndikidi apai du tipa gayo akparapai, na nindu yo fuo amunganga.

“Mangonvo ni wenehe tipa kpotoro.”—1 TIMOTEO 4:8, Contemporary English Version.

Manga agu apai regbe ka undo kpotoro ima rengba ka undo ro na gamo kpakarapai nga ga kaza berãse. Agi apai re rengbe nakoda manga mangonvo dedede, ri wene ariahe, gbiati ra wene rame.

“Wasawasa kpoto boro yo du wa wene ngua kaza, ono rungorungo toro naugusa ameme augusa.”—ASANZA 17:22.

Geda agu apangbanga du rogo Baibiri nga ga ngarasaro na kini moi agu asásá rengbe ani arengbe kada ti ni, ima rengba ka undo rani ani du na ngbarago. Ka mo moi berãro tipa gu wene apai du rogo raka yo, na kidu na gu ida nga wene apai nika yeaye kumbatayo, gipai re ima rengba ka undo ro mo mangipai kuti gamo kpakarapai nga ga kaza berãse.

“Tatamana du fu agu yo du ni bayee yo.”—ASANZA 11:2.

Kura aregbo kinaho mo arengbanga ka manga agu apai dunduko mo aida ka mangaha nitiro ya, mo di gu undo kugume nga ga kura aboro. Abakureamo gbiati gu kura aboro na nyemu ka undo ro, ono i arengbanga ka ino gupai ka i mangihe te. Mo gumba gupai fuyo rengbe ka du gbe ni pa undo foro. Mo du na ruru bipai tipa gu undo rengbe yo ka fuhe, na mo du na tambuahe ti aregbo dũ tipa gu undo i afuhe.

Wai Agu Arugute Nga ga Baibiri Aundo Agu Aboro Nambu be Kaza Berã

“Mi abi tire nga kpotore adunga wenengai te, sidu mi andu ka bi munganga. Ri ayugu gupai fere naamanga re. Gere aundo re mi rugutire na gimi kpakarapai nzunzu na mi ki wirikipai tipa gu agene husa naadu ho nga gu narengbe ka undo re mi du wenengai.”—Nicole,a nga gu ri nambu be gu kaza berã nga bipolar.

“Mi bi gupai nga, geda Baibiri na auru dunduko na diare naundo re mi tona uru na wene bipai na agu afugo nga ga ngarasaro. Na rogo agu auru si nidu ni kpakarakpakara ha fere mi mangipai sa ni, veresi nidu ho ninaafu wasa fere.”—Peter, nga guko naambu be kaza berãse.

“Si aima kpakara fere mi gumba gimi kpakarapai fu kura aboro mbiko mi adu na bakere zee. Ono mbembedi bakure adege tuni fere wenengai na ki asadi ka rugatini na wai apai aamanga re. Ri aundo re tipa mi du wenengai na kini bi tire nga mi nisare te.”—Ji-yoo, gari bakabangirise asaha furi ni mbumbuhe ri riahe rengbe arengba.

“Baibiri ima undo re tipa mi du na ruru bipai tipa sunge na ongoda. Gaha tatamana ima undo re tipa mi mangipai kuti agu kpakarapai nafuda re.”—Timothy, nga gu ko nasota na gu kpakarapai nga ga bakere fuda berãseyo.