Berãpai Tipa Wisigopai

Ginipai si aida mo wisigihe ni bambataha?

Ani dunduko du na kina bete regbo berani tipa gaani wisigopai nisase. Waigu rengbe ani ka mangasunge na gaani regbo ni tatamana na ki gbia undo ti ni? Bambatapai nga, mo di regbo kuti gupai mo agedaha. Mo rengbe ka gbia undo ni bakerehe gbe ka mo di regbo ka wisigo bete apai wenengai angianga ka geda dungu apai ni wiri ipo ya.

Fuoho, mo bi agu apai si aida mo wisigihe mbata. (Ef. 5:15, 16) Bete aberãpai gere:

• Mo gedi Baibiri naˈuru dunduko. (Tam. 1:2) Si rengbe kadu ni wenepai ka tonaha na geda agu akapita ani awisigoho na aposo dunduko ti regbo gu dunguratise nga ga bebere poso.

• Mo mbakadi tiro tipa Wisigo Ngbaõbambu Sinziri gbiati gu dunguratise nga ga bebere poso. Mo asadi ka mbakadaha wenengai tipa wa ka mo du na rengba ka fu karagapai.​—Tam. 22:22.

• Vuru gu regbo yo nika anidu bero, mo asadi ka gbia undo ti gu kura ariahe nga ga toro, wa gu nga magazini, avidio, gbiati gu kura kekeapai i akusaha rogo jw.org.

• Mo siapai ka wetekapai tipaha dudunguro. Mo rengbe ka manga wetekapai tipa gu kpakarapai mo agbia tiro na ni, gupai du mo na sanahe riipaha, watadu gu kurapai rogo Baibiri yo mo aida ka rugatiro na ni wenengai. Tipa ka bi wai rengbe mo ka manga gipai re, mo fugu gu kekeapai nga “Bible Study Activities” du rogo jw.org.