Berãpai Tipa Wisigopai

Mo Gbia Dungu Apai Tipa Asino Yekova

Ho ani ageda Baibiri ni, ani ima rengba ka mangasunge na aũsunge ni bakiakia ka wisigopai tipa ka giarogo gupai yo wenengai ani agedaha. Ono anga gupai ani aidaha gbua nga ka kiiso gaani inohe tipa Baibiri te. Ani naida ka ino dungu apai tipa asino Yekova nga gu nika kiiso gaani nyemuse tipa ko. Tipa ka manga gipai re, ani ima rengba ka sana tirani nga, ‘Ginipai gi pangbanga nga ga Baibiri re ayugoho fere tipa Yekova?’

Ani ima rengba ka gbia dungu apai tipa agu abangua sino Yekova nga, nyemuse, tatamana, ruru sarangbanga, gbiati ome. Ono tie, anga gu re nga gu yangada asino du ti Yekova te. Gu kura dungu wene asino kinaho du ti Yekova mo narengbe ka wirikapai tipaha. Wari gu rengbe mo ka gbia dungu apangbanga ni tipa asino ko?

Mo bingo gu kura asino bangehe naima susa 50 nga gu du rogo gu buku nga, Watch Tower Publications Index tii gu riipai nga, “Jehovah” na tii gu wiri tooni riipai nga “Qualities by Name.” Mo wetekepai tipa gu sino rẽ na gu pangbanga nga ga Baibiri mo agedaha. (Ka si du nga mo rengbe ka manga wetekapai kina rogo Research Guide for Jehovah’s Witnesses sa, mo ngere tii gu riipai nga, “Jehovah God” na ki ngere tii gu wiri tooni riipai nga “Jehovah’s Qualities.”)