Mo Wirikipai ti Asura

Gaani awaraga ima hii be asura nga gu nayugopai furani. Waigu rengbe mo ka mangasunge na agi asura re tipa ka gbia undo ti ni?

• Mo biki asura mbata fu mo tona geda gu kekeapai re. Agu asura re ima rengba ka ngba tiro na si ki ba nyemu geda gu kekeapai re tiro. Ho mo naabi bawene riahe ni ku saani yo, mo nidu na ngbarago ka rihe. Wakina gure a, mo nika du na bakere ngbarago ka geda kekeapai ka si ngia mo nika biko agu asura du rogoho mbata. Sidu, mbata fu mo gedi kekeapai, mo sana tiro nga, ‘Gini asura mi abihe?’​—Amosa 7:7, 8.

• Wa mo nikaa geda gu kekeapai re, mo berẽkurii ndu gupai i asia agu asura re ti ni. Mo gedi gu kekeapai du pati ni watadu sakapai tipa asura ka si du rogoho. Mo berẽkurii gu kodatise du dagba gu sura re na gupai mo agedaha na wai rengbe mo ka mangapai kuti gupai mo nawirikihe ti gu sura re.

• Tifuo mo nyasi gedaha, mo mangisunge na asura tipa fugö gu memeapai mo nawirikihe rogo gu kekeapai re. Fuoho mo ki kisi bangiro na ki asadi ka tingidapa agu asura re na gupai mo awirikaha ti ni.

• Tipagine ka mo afugöngo pai ti ni tipa agu asura du rogo gi magazini re na ki bihe singia mo rengbe ka tingida gupai si ayugoho ya?