Tipagine Aboro Araka Ti Ni?

Gu Karagapai nga ga Baibiri

Gu sanahe du tipa ndu gupai aboro araka ti ni i ima rengba ka sanaha ngba dungu agene, wa gu nga Tipagine du ani ane ti ni? watadu Ya mo ndupai ho mi araka ti ni? Baibiri nayugu gupai nga gu ndupai ani araka ti ni nga ka sonosa pabakure na Mbori. Mo wisigingo gi bete bangua arengo Baibiri nayuguhe re.

• Mbori nga Bakusirani. Baibiri naya: “Ko [Mbori] namangi rani, anga ani nakusi tirani nisarani te.”​—Atambuahe 100:3, NW; Yugoti 4:11.

• Ndupai kinaho Mbori akusi ai he ti ni, kodihe na ani.​—Yesaya 45:18.

• Mbori akusi rani na agu “azingo nga ga toro,” nga gu nakoda gu nyemupai nga ani ini ndu gupai ani araka ti ni. (Matayo 5:3, NW) Ko naida ani mbiisi gu nyemupai re.​—Atambuahe 145:16.

• Ani nambiisa gu gaani azingo nga ga toro ni sonosa ani pabakure na Mbori. Wa vura duhe nga gu berãpai nga ga du ni bakurea Mbori si ni gupai kura aboro abihe nga ka si mangingo te, Baibiri nafu gi ngarasaro re furani: “Oni mbédi na Mbori, ko ki mbedi na oni.”​—Yakoba 4:8; 2:23.

• Tipa ka du ni bakurea Mbori, ani du wa ka ani aaraka ringbisihe kuti gupai ko akpinyemuhe tipa rani. Baibiri nape gipai du re rogo Batungusipai 12:13: “Oni gúnde ti Mbori, ki ka kuti gako arugute; bambiko gere nga gu pai dunduko i akusi rani tipaha.”​—Good News Translation.

• Kumbatayo, ani nika gbia ngbarago kpaima ti gupai Mbori aidaha tipa rani ho ko nika dia arungo ni na ki fu nyenye unga fu abakureako, nga agu aboro nairisoko.​—Atambuahe 37:10, 11.