AGU ASANAHE ZIAZIA KEKEPAI AKARAGAPAI KUTINI
Ya mo mo rengbe ka raka nyeanye kindi?
Ginihe nabatasa rani be kpio?
Gu bambata boro nangia Adamu araki tipa dungu agarã. Ono niyangaraha, ko agbinza na ki kpi. Naatona ti gu regbo re kada ku areme, aboro aima manga dungu apai tipa ka i gbinza nga ya. Ono boro ho nanyeanye kindi kaa raka te. Tipagine? Adamu agbinza na ki kpi bambiko ko aingipai ki basasangba Mbori. Ani nagbinza na kini kpi mbiko gu ingapai ani adihe ti Adamu.—Oni gedi Bambata Pai 5:5; ARomo 5:12.
Tipa ani raki nyeanye kindi, si aaida boro duho tipa ka tumo rani. (Eyobo 33:24, 25) Motumo nga guhe boro afuhe tipa ka ngbe boro nani, na tipa rani tigaani, si aaida i ngbe rani bekpio. (Gate 21:29, 30) Yesu atumo rani ho ko akpi ni tipa rani.—Oni gedi Yoane 3:16.
Waigu rengbe ani ka gbia nyenye unga?
Anga aboro dunduko i nika dia akaza na gbinza tiyo kusayo te. Nirengo, agu aboro nabasasangba Mbori wa Adamu, i nika dia yó kusayo. Kina agu aboro Mbori nika mbupai fuyo tigayo ingapai, i nika raka nyeanye kindi.—Oni gedi Yesaya 33:24; 35:3-6.
Si naida ani mangipai amanga tipa Mbori mbupai furani. Si naida ani iniko niwisigo ani Fugoko nga Ziazia Kekeapai. Si nayugo wai rengbe ani ka raka wene raka na gupai rengbe ani ka mangaha ka ngba bangiri Mbori na ka gbia nyenye unga.—Oni gedi Yoane 17:3; Amokedi 3:19.