Awetekapai Tipa Waraga Dunguratise Nga ga Gaani Raka na Sunge
MEREKOKO 6-12
AŨKUMUKO ROGO FUGO MBORI YO | 2 AKORINDO 4-6
“Ani Arungbura Nga Te”
(2 AKorindo 4:16)
Ani Nambu Ambu Ono Omerani Abatanga Te
16 Rengo ngaha nga, pa ngera ani fuo tirani tipa kadu ni wasawasa rani rogo toroyo nga nyanyakipa pai. Ho du ani ni na dawedawe ngbanyaa dagbarani na Yekova Mbori, ani rengbe arengba ka mbu ti kpotorani, ono omerani abatanga ti irisoko te. Yekova nga gu boro “nafu tandu fu gu ni he amaka ni, na gu ni adu nga ome ti ni ya ko nakiisa omeni.” (Yesaya 40:28, 29) Gu mokedi nangia Pauro, nangia gu boro naini rengo gipai re nitiko, akepai ki ya: “Wa du he were ani arungbura nga te; ono gu kpotorani du zegi yo navura zirã, gu tororani du ku vuru he yo i nambakada ha waragoagira.”—2 AKorindo 4:16.
17 Oni kparianga gu fugo nga “waragoagira.” Si nayugo gupai nga, si naida ani naagbata gene na a’uru ni basasa ka gbia agu aundo Yekova afuhe. Mokedi sa nga guri namangisunge niruru ri tipa agarã 43, aregbo anidu kinaho ri anidu rogoho na mbugo-kpotose gbiati zerakpotoseyo. Ono omeri abatanga rogo toroyo te. Ri naya: “Mi sa gupai ni sino re nga kaa guari ngbatutu wiso mbata fu mi tona sunge tipa ka kpara fu Mbori na ka geda Fugo ko. Gipai mi naadogoda mangaha na a’uru dunduko re, si undo re mi hipai daa ku awere.” Ani rengbe arengba ka kido kuti ga Yekova ome songoda aboro nirengo, ka ani akpara fuko “waragoagira,” na kini berẽkurii asinoko du ni bawenehe gbiati agu apai kido ko he tipaha.
(2 AKorindo 4:17)
it-1-E kpe. 724-725
Hipai
Si a ni nyanyakipa pai ka ani zanganga maaberã rani fuo gu maabangirise nga ga aKristano ya, du nga ka raka nyeanye kindi zanga na ingapai. Zavura kpio vurube abarungosi rani, si arengbanga ka dia gu maabangirise re kusayo te. (Rom 5:4, 5; 1 Tesa 1:3; Yugo 2:10) Gu rungosiro du awere re adunga na sunge ti ni te ka i ringbisi na gu bakere maabangirise du kumbatayo. (Rom 8:18-25) Ka ani moi berãrani kuti nyenye unga, gu rungosiro ani agbiatirani na ni awere, ka si vura du vurũ ni kere iigirã ha, si “ni aakpura ha” na tipa bete regbo. (2Kor 4:16-18) Gu boro natingida gupai nga agu aˈasada du awere si tipa kina bete regbo na kini kakuti gani maabangirise nga ga aKristano, si nika sa gupai nga ka ni du nga zanga maabangirise na ki zanga du niruru ni fu Yekova Mbori ya.
(2 AKorindo 4:18)
Gbata gu Nyanyakipa Ahe Nga ga Toro
(2 AKorindo 4:7)
w12-E 2/1 kpe. 28-29
“Oni sa Yekova ko du na Ngbarago”
David Splane nga boro sa dagba Riigbu Bipasunge asakipai tipa gu riipai nga ga Ziazia Kekeapai re. (2 AKorindo 4:7) Ginihe nga gu kumuko re? Ya mo si nga inohe watadu tatamana? Gu bagumbapai re akaragapai nga, “oó.” “Gu kumuko gu mokedi nangia Pauro afura tipa ha nga ‘mangapase’ watadu gu sunge nga ga ‘yugo rengo.’” (2 AKorindo 4:1, 2, 5) Wiriba Splane atingidi agude sukuru na gupai nga, agu adiwi bisue i nadihe kuti wirikapai, si tipa ka mbakada yo tipa kparakpara sunge tungusapai. Si naida i bi gu sunge re na nyanyakipaha.
Bagumbapai asaki gupai nga gu kumuko “i ameke he rogo sende yo” narukuba kpotorani. Ko ape pa gu kparakpara pai du ti gu he i ame he rogo sende yo na gu i amehe rogo dahabu yo. I naamanganga sunge dedede na guhe i amehe rogo dahabu yo te. Agu ahe i amehe rogo sende yo, si tipa sunge. Ka ani moi ũkumuko ku rogo guhe i name he rogo dahabu yo, ani nika maaberã rani gbe kina kuti guhe i name he rogo dahabu re angianga kuti gu ũkumuko du rogoyo ya. Wiriba Splane aya, “Agude sukuru, ka oni moingo berãroni kuti tironi ya. Wangia oni amokedi, si naida oni gbe berã aboro kuti Yekova. Oni nga guhe i amehe rogo sende yo du na umbasitise.”
(2 AKorindo 6:13)
Oni Naasona Kindi Rogo Gaoni Nyemuse Nga Ga Awirina
7 Na ani tigaani? Wai rengbe ani ka ‘za ngbadurani’ rogo yugo nyemuse? Si nidu dedede ni taatapai fu agu aboro du garãyo kina sa watadu agu aboro du tunga yó sa i yugu nyemuse dagbatiyo. Na aguyo du na bangisa bipai tipa aũmbaro nadia bakere regbo wa sa. Ka si du nga gu nyemuapai du ani nani nakpara rani akpara ti kura awirina, si naida ani ‘za ngbadurani.’ Si adu ni patatamana ka ani sana tirani nga: ‘Ya mo mi ni gu boro natungusapai na kini kodi tire na kina agu aboro nga wene abakureami? Ho du mi ni Bambu Kindo yo, mi naadia regbo ni kina guruhe na vovo aboro mbiko mi naabihe nga si naida si di regbo adia tipa i da ni abakureami? Ya mo mi naafu sene fu sosono aboro na paranga aboro dunduko rogo dungurati?’
Geda Ziazia Kekeapai
(2 AKorindo 4:1-15)
MEREKOKO 13-19
AŨKUMUKO ROGO FUGO MBORI YO | 2 AKORINDO 7-10
“Gaani Sunge Nakoda fu Undo fu Agu Awirina Gberãngo Nati Kurii Yo”
(2 AKorindo 8:1-3)
w98-E 11/1 kpe. 25 genewa. 1
‘Mbori Nakpi Nyemu Kina gu Boro Nagama he Esuesu’
Ni bambataha, Pauro ape pa agu aboro naadu Makedonia yo fu aKorindo, nga aguyo gayo asadatise ka fu undo angia wene kpiapai. Pauro ake gupai nga, “gu bakere rungo i ahi he si aasadi yo gbe, ono rogo ho dunduko gayo ngbarago amoi pai susi, i ki niyugu tiyo ni weneringi yo gbe, ka i avura du na zingo ahe a vurũ.” Aboro Makedonia aaidanga aida i sosodi yo tipa i fu gamahe te. Kuba gure, Pauro aya, ‘i azungadi rani ni bakere zungaditi tipa gi undahe re’ watadu tipa gu momu nga ga fu he. Gu wene sino naadu ti aboro Makedonia ima du ni iiriwoho gbe ho ani abihe ni nga i nitiyo adu kina rogo “bakere rungo” a—2 AKorindo 8:2-4.
Gu Sunge Nga ga Undo Aboro
SI NAWIRA wa gi garã re nga 46 Fuo Batikayo Kristo, na ringara Yuda rogo kere gomoro. Gu ga Kristo abawiriki nga aYudo naraka yo gene beyo tipa ka ngbe gu bete riahe ginoho naima dakpa ni kerehe te. Gomoro namanga yo ni kerehe gbe. Ono tie, i ima mbeda ka bi bee Yekova si niundo yo, na ga Kristo abawiriki ho naagbia ngbatunga undo wa gure mbata te. Gini ngbatungapai du tigaha nika manga re?
(2 AKorindo 8:4)
Gu Sunge Nga ga Undo Aboro
4 Rogo gu ue waraga Pauro akehe fu aKorindo, ko aya aKristano na asunge beyo ue. Wa vura duhe nga Pauro ake gi waraga re fu mbedimbedi aKristano, agi afugoko re nabi ga Kristo “kura akandoro” abi areme a. (Yo. 10:16) Papara gaani sunge sa nga ‘gu mangapase nga ga zeresapai,’ nga gaani sunge tungusapai gbiati yugopai. (2 Kor. 5:18-20; 1 Tim. 2:3-6) Gu kuraha nakoda gu sunge ani amangaha tipa akuarani aidipase. Pauro afura tipa sunge fu undo nga “manga pa ga Mbori aboro.” (2 Kor. 8:4) Agu afugo nga ‘gu mangapase nga ga zeresapai’ na ‘mangapa ga Mbori aboro,’ si dunduko ue nga “mangapase” gbiati “manga pa,” i adihe rogo gu sasa pa-Giriki nga di·a·ko·niˈa. Tipagine duhe ti ni na nyanyakipaha?
5 Pa manga Pauro sunge na bangisa pa-Giriki sa tipa agu apai du ue re, ko akodi sunge fu undo kuti gu kura asunge ani amangaha rogo gu dungurati nga ga aKristano. Mbata kusayo, ko aya: ‘Mangapase na angbatungaha kia, Gbia ki du sa i namangapa ko. Mangasunge ki du sa angbatungaha akia. Ono Toro kina sa.’ (1 Kor. 12:4-6, 11) Nirengo, Pauro aringbisipa gu kura asunge nga ga dungurati kuti “ziazia” sunge. (Rom. 12:1, 6-8) Si airiwonga te nga si arẽarẽ bangiriko ko fu gako raka ka mangasunge tipa “ga Mbori aboro”!—Rom. 15:25, 26.
6 Pauro aundo aKorindo i bi ndu gupai du sunge fu undo ti ni ni papara gu sunge i amangaha fu Yekova gbiati gayo iriso fuko. Oni bi wai ko asakipai fuyo: Agu aKristano namangasunge fu undo namangaha wo mbiko ‘giasangba gu wene pangbanga nga ga Kristo.’ (2 Kor. 9:13) Sidu, gu nyemupai du rogo aKristano yo nafõngbaduyo yo i mangipai kuti ga Kristo yugopai ka undo awirinayo aidipase. Pauro aya gu wenepai i amangaha fu awirinayo re, si nzunzu nga “gu bakere undahe nga ga Mbori” arẽnga aboro tipaha ya. (2 Kor. 9:14; 1 Pet. 4:10) Sidu, gu Ngbaõbambu Sinziri nangia ga Banduru 1, 1975, afura tipa mangasunge fu agu awirinarani du rogo zingo nga gu nakoda sunge fu undo nga: “Si aidanga ani tikö singia Yekova Mbori na Wiriko nga Yesu Kristo nabi gi ngbatunga sunge re na nyanyakipaha te.” Nirengo, sunge fu undo nga gu kura nyanyakipa ziazia sunge.—Rom. 12:1, 7; 2 Kor. 8:7; Eb. 13:16.
(2 AKorindo 9:7)
Wai Ani Agbia Marã Tipa Agu Asunge Nga ga Kindo
10 Bambataha nga, ani nagamahe kina boro kpotoraniyo mbiko ani nakpinyemu Yekova na ani naida ka manga “agu apai ngba angba bangiriko.” (1 Yo. 3:22) Yekova na ngbarago na gu irisiko nagamahe na kpotoniyo dunduko. Ani wisigingo afugo gu mokedi nangia Pauro tipa wai si aida Kristano gamu he. (Oni gedi 2 AKorindo 9:7.) I amanganga ndikidi Kristano ngbaome tipa ni gamu he te. Kuba gure, ni nagamahe wa ni ‘akpinyemuhe kpotoniyo.’ Nga ka berã wenengai kurii gu zingo du ho na wai rengbe ni ka undo. Yekova nakpinyemu gu boro nagamahe wa gure, mbiko “Mbori nakpi nyemu kina gu boro nagama he esuesu.” Gu kura sasa afugo naya: “Mbori nakpinyemu agu aboro nakpinyemu ka gamahe.”
Gbata gu Nyanyakipa Ahe Nga ga Toro
(2 AKorindo 9:15)
Ga Mbori “Gasigasi Gamahe” Fõngbaduroniyo
2 Pauro aima ino gupai nga gu wene akidohe dunduko Mbori akidopaha arengbe ka manga kina vurube gu rengberengbe motumo nga ga Kristo. (Oni gedi 2 AKorindo 1:20.) Rogo gi gene re, si adu nga gu “gasigasi gamahe” re nika koda gu wene asino na gu bangabanga nyemuse Yekova nika yugoho furani vurube Yesu. Nirengo, gu gamahe re ni iˈiriwoho na boro arengbanga ka ringbisapaha nzunzu na agu afugo nga ga aboro te. Gini ome si aidapa dia ani gu gamahe re du na ni kurirani? Na gini kura agene du si aida gi gamahe re fõngbaduraniyo ngbaha wa ani ambakadatirani tipa Tingida Pakpio Yesu Rago Biata, rogo Marungu 23, 2016?
(2 AKorindo 10:17)
g99-E 7/8 kpe. 20-21
Ya mo si ni Gbegberẽpai ka du na Rukö?
Rogo Vovo Ndika, gu fugo nga kau·khaˈo·mai, i nasaha nga “ka du na rukö, ka sámbua he,” i mangi sunge na ni rogo agene ue, gbegberẽhe na wenehe. Pauro aya: “Gu ni ka sambua he, ni sámbua gupai Gbia amangi he.” (2 AKorindo 10:17) Gure nayugo gupai nga ka du na rukö nga Yekova nga gaani Mbori, na si rengbe ka sarani ani sámbua tirani mbiko pa wene rimoko.
Geda Ziazia Kekeapai
(2 AKorindo 7:1-12)
MEREKOKO 20-26
AŨKUMUKO ROGO FUGO MBORI YO | 2 AKORINDO 11-13
“Ga Pauro ‘Kiwe ti Kpotose Yo’”
(2 AKorindo 12:7)
w08-E 6/15 kpe. 3-4
Du na Ome Arungbura ki Vura du Vurũ
Gu kura ruru moyambu sa asana Yekova ko di ‘kiwe ti kpotoko yo’ kusayo, nangia bangabanga kpakarapai. Gu mokedi nangia Pauro azungodi Mbori bara biata tipa ko di gu asada re tiko kusayo. Singia gini kpakarapai du nangia ha, nga gu naadu ni iigirã ha wakina kiwe, si aima rengba ka sa Pauro ka ko du nga na ngbarago tingba ga Yekova sunge ya. Pauro aringbisihe kuti wai ka i ata boro ata kindi kpakpu ni yo. Yekova akaragapai nga: “Gimi undahe rengbe foro, bambiko gi tandu du ni mbakadimbakadi he ziazia rogo rungbura yo.” Yekova aadianga gu kiwe naadu tii kpotoko yo re te. Si aaida Pauro sovura kuti ni, ono ko agbia gu kurapai kuti ni nga: “Ho mi nirungbura ni mi nidu ho nyanyaki.” (2 Kor. 12:7-10) Ginipai ko aaida ka pehe?
(2 AKorindo 12:8, 9)
Yekova Nafu ‘Ziazia Toro Fu Agu Aboro Nasana Ko’
17 Mbori akaragapai sa ga Pauro akpee ki ya: “Gimi undahe rengbe foro, bambiko gi tandu du ni mbakadimbakadi he ziazia rogo rungbura yo.” Pauro ki ya: “Ngbatika mi asámbua he zaza ni ngbarago tie ti agu apai mi arungbura ti ni, ya gu ome nga ga Kristo du auru re [“wa bamburokoo,” NW].” (2 AKorindo 12:9; Atambuahe 147:5) Sidu, Pauro abi gupai nga, ga Mbori bandahe rogo Kristo yo adu riko wakina bamburokoo. Yekova nakaragapai sa gaani akpee areme a wakina gure. Ko nagbaraga gako bandahe rii gako amoyambu wakina bamburokoo.
18 Rengo ngaha nga, bamburokoo akanga na mai te, watadu ka sa gupai nga wege zanga ya te, ono si nabanda boro abanda a be mai na wege. Teketeke a, gu bamburokoo naye be “gu ome nga ga Kristo,” si asanga gupai nga fudifudiapai zanga manga rani te, watadu ka kpakarapai yengo sa rani ya te. Wa vura duhe wo, si nabanda rani abanda rogo toroyo be gu gbegberẽ ahe du rogo gi zegino re na be gu zubohe nga ga gaha bazogo, nga Satana. (Yugoti 7:9, 15, 16) Sidu tie, ka si vura du nga oni nasovura kuti gu asada aidanga ka ‘guari tironi ya,’ oni rengbe arengba kadu naa kido nga Yekova ima rugatiko na gupai oni asota nani re, na ko ima karagapai kuti “gaoni kpe.” (Yesaya 30:19; 2 AKorindo 1:3, 4) Pauro akepai ki ya: “Mbori du ni irarengo, ko aida nga i asadi roni susi gu ka oni rengbe na ni te; ono rago asada ko ambakada gene kura be he a, ya oni rengbe ka hi he.”—1 AKorindo 10:13; AFiripoio 4:6, 7.
(2 AKorindo 12:10)
“Ko Nafu Tandu fu gu Ni He Amaka Ni”
8 Oni gedi Yesaya 40:30. Si naida ani tingidi gupai nga bakerepai ho rengbe ani ka mangaha na kina gaani ome nitirani te, ka ani vura inohe aino wai vurũ. Si nga gupai si aida ani wirikihe wa du ani dunduko. Wa gu mokedi nangia Pauro avura du na rengba ka manga dungu apai, azangarengba adu kinaho ko adu na ni nga gu nasa gupai nga ka ko mangingo agu apai dunduko ko aaida ka mangaha ya. Ho ko apeke gako abakabangirise ni fu Mbori, Mbori aya fuko: “Gi tandu du ni mbakadimbakadi he ziazia rogo rungbura yo.” Pauro aima rugatiko na gupai Mbori apehe fuko. Si du ko ape gupai ti ni nga: “Ho mi nirungbura ni mi nidu ho nyanyaki.” (2 Kor. 12:7-10) Ginipai du ko aaida ka gumbaha?
9 Pauro aima ino gupai nga ko aarengbanga ka manga dungu apai na kina gako ome nitiko te. Ga Mbori ziazia toro aima rengba kafu gu ome fu Pauro ko aazanga ha. Anga kina gure sa te, ga Mbori toro aima rengba a ka fu ome fu Pauro ko mangi agu asunge ka ko aarengbanga ka mangaha na gako ome nitiko ya. Kina gu bangisapai re du tipa rani a. Ka si du nga Yekova nafu ome furani, ani nadu adu nyanyaki nirengo!
Gbata gu Nyanyakipa Ahe Nga ga Toro
(2 AKorindo 12:2-4)
Asanahe Be Agedihe
Gu “biata ngbangbaturũ” i nape paha rogo 2 AKorindo 12:2, si nawira gupai nga si nga gu Kindo nga ga Yesu Kristo gbiati agu aboro 144,000 ko nika zogarago na yo, nga gu i ayambaha nga “vovo angbangbaturũ.”—2 Pet. 3:13.
I nayambaha nga “biata ngbangbaturũ” bambiko si nga gu Kindo paha naima nyaka gbe.
Si nawira gupai nga gu “paradiso” i “atuka” Pauro ku rogoho, si nga (1) gu Paradizo nika du kumbatayo auru kpotosende, (2) gu paradizo nga ga toro nika du ti gu regbo re, nga gu nika du ni bakerehe kisusi gu paradizo nga ga toro du awere, na (3) gu “ga Mbori Paradiso” du ngbangbaturũ yo nga gu nika du ti kina bangisa regbo sa rogo vovo zegino.
(2 AKorindo 13:12)
it-2-E kpe. 177
Dungotise
“Ziazia Dungoti.” Pai anidu kina ti ni dagba agu aKristano naadu mbata nga, “ziazia dungoti” (Rom 16:16; 1Kor 16:20; 2Kor 13:12; 1Tesa 5:26) watadu “dungoti nyemuse” (1Pe 5:14), nga gu nawira gupai nga si anidu kina dagba kumba na kumba, dee na dee. Gu ngbatunga fu sene naadu dagba agu aKristano naadu mbata re nandu sa na gu ngbatunga fu sene naadu ti agu aEbere naadu bakuruyo nga aguyo nanaafu sene ni dungo yo tise. Wa vura duhe nga Ziazia Kekeapai afuranga futufutu tipa ha te, wa gopai ayugoho, “ziazia dungoti” watadu “dungoti nyemuse” aayugopa gu nyemuse na kodatise naadu rogo gu dungurati nga ga aKristano.—Yo 13:34, 35.
Geda Ziazia Kekeapai
(2 AKorindo 11:1-15)
MEREKOKO 27–BANZINGA 2
AŨKUMUKO ROGO FUGO MBORI YO | AGARATIO 1-3
“Mi ki ta Ngera Kina ku Bangiriko yo Nirugu Ko”
(AGaratio 2:11-13)
Ya mo Mo na gu Bangisa Bipai Tipa Ruru Sarangbanga du Yekova na Ni?
16 Oni gedi AGaratio 2:11-14. Petero azi ti gu gbina nga ga gunde ti boro. (Snz. 29:25) Wa vura duhe nga ko aima du na wene inohe tipa ga Yekova bipai tipa gupai re, Petero aagunde be gu bipai nga ga agu aYudo i aima yera yo naadu rogo gu dungurati naadu Yerusarema yo. Gu mokedi nangia Pauro nga guko naadu kina pati gu dunguratise naamangi Yerusarema yo re rogo gu garã nangia 49 Fuo Batikayo Kristo, afura na Petero na ki kusi gako biriki fuko kuyangura. (Amo. 15:12; Gara. 2:13) Agu aKristano nga aGendiria Petero aingi kutiyo, wai du i amangipai? Ya mo ka i ambuhe si kotosi yo? Ya mo Petero arengbe ka zanga gako wene amomu mbiko gu ingahe re?
(AGaratio 2:14)
Agu Aboro Nakpinyemu Yekova, ‘He ho Sa ka Kotosi Yó Te’
12 Petero agunde be aboro, kini kotoko ni kerehe ti kura aregbo, ono wa si avura duwo, ko anye ni ruruko kindi fu Yesu na fu Yekova. Ni kpiapai, ko aoro rimo Bairako bara biata. (Rk. 22:54-62) Kusa, Petero aingipai nga ka manga agu akristano nangia aGendiria wa payo kusende ti agu aYudo nangia ayeretise. Ono tie, gu mokedi nangia Pauro aima bi gupai ziazia nga dungurati nga ba kparakaro te. Ga Petero bipai adu ni irairaha. Mbata fu gi ga Petero mangapai re gberesi awirina, Pauro arugu ko nibasa. (Gara. 2:11-14) Ya mo rukö asa Petero ko mbu gi ato abaangirã re? Oó. Ko amakia gi ga Pauro arugute re na ki mangipai kuti ni ki tona ato abaangirã berewe.
Gbata gu Nyanyakipa Ahe Nga ga Toro
(Galatians 2:20)
Oni Nye ni Ruru Roni Dungu Arungo ki Vura Du Vurũ
20 Na gu zubohe boro abingo ho abi si niye ya? Ni kpiapai, wai rengbe ani ka sovura kuti gu gberãrago du ani na ni? Bakerepai sa rengbe ka undo rani gbe nga berãkurii pa ga Yesu motumo. Gure nga gupai Pauro amangihe. Ko anidu ni rungorungo ko ti kura aregbo. Ono ko aima ino gupai nga Kristo akpi tipa aboro ingapai, angianga ziazia aboro ya. Na Pauro angia boro sa dagba agu aboro ingapai re. Ko ake gupai a nga: ‘Gu unga du mi ngbaha mi ngbaha mbiko Wiri Mbori, ko nakpinyemu re na ki futiko tipa re.’ (Gara. 2:20) Ii, Pauro aima dia ga Yesu motumo kugume. Ko aima ino gupai nga gu motumo re adu tipa ko.
21 Wakina gure a, ka mo abi ga Yesu motumo ni gu gamahe Yekova afuhe foro, mo gbia bakere undo agbia. Ono gere ayugongo gupai nga gberãrago watadu zerakpotoseyo nika guari tiro ni kina boro ipo te. Agurani kinaho nika hi bete gi rungo re ahi daho vovo zegino nika ye ni. Ono mo tingidi gupai nga: Mosoro nika du fu agu aboro nika hipai zanga mbu Satana ko dibeyo. Aregbo dũ ani ambeda kuti gu regbo ga Mbori Ngbii nika ye na zereda, na ki di ingapai ti aboro dunduko. Mo diberã ka rimo ku rogo ga Mbori Ngbi, ka si vura du nga rogo dungu arungo.
(AGaratio 3:1)
it-1-E kpe. 880
Waraga fu AGaratio
Gopai ho nayugo gupai nga agu afugo Pauro nga, “Ako airamungo aGaratio,” adu fu kina kura kparakpara ngbatunga aboro nga aguyo naaraka rogo gu papara Garatia du ku Nodiyo te. (Gara 3:1) Kuba gure, Pauro afu zahe fu kura aboro rogo agu adungurati naadu yo nga aguyo naambu gu yugopai nga ga aYudo si du na maapai kurii yo, nga agu aYudo naaida ka sigira gayo du ni ruruse riimburu ga Mose ndiko kuba ‘ruruse mbiko idapase’ nga gu naye mbiko vovo mozunga. (2:15–3:14; 4:9, 10) Agu adungurati naadu, “Garatia yo” (1:2) nga gu Pauro akepai fuhe adu na aYudo na agu aboro angianga aYudo ya, na kusa, kidu na agu aboro naasa tiyo ku rogo gu pambori nga ga aYudo nangia ayeretise gbiati agu aGendiria nangia azanga yeratise, na zanga kapa, aguyo angia atita aboro Celtic. (Amo 13:14, 43; 16:1; Gara 5:2) I dunduko i ayambu yo nga agu aKristano nga aGaratio, mbiko gu rago i aaraka rogoyo i aayambaha nga Garatia. Gupai du tipa gu waraga re nga Pauro aake he fu agu aboro ko aima ino yo wenengai nga aguyo naaraka rogo gu papara Roma naadu ku Sudiyo, angianga fu agu aboro ko aainongo yo ya nga agu yo naaraka ku Nodiyo, nga gu ba ko aadanga rogoyo ya.
Geda Ziazia Kekeapai
(AGaratio 2:11-21)