WISIGOPAI 11

Fura Zaaza

ARomo 12:11

MEMEPAI: Mo fura zaaza ka fõ kpoto aboro yo na ki zambuasi yo.

Gupai mo afura tipaha zi kpotoroyo ni tiro. A wa mo ambakadatiro tipa ka fura fu aboro, mo berẽ dudunguro tipa pa nyaka gupai mo aida ka fura tipaha. Mo iniditiro wenengai na gupai re si ki da nga mo nafura kina boro kpotoroyo.
Mo berẽpa agu aboro mo afura fuyo. Mo berẽkurii gu undo i nika gbiaha ti gupai mo nika gedaha watadu ka yugoho re. Mo berẽkuriipa agu agene mo nika pe gupai re ngbaha wa ka aboro du na bakere tambuahe tipaha.
Mo fura na unga rogoho. Mo fura zaaza. Mo niyaki abero ngba wene gene na kpakpuro yo kini yugu gu bipai du mo na ni tipa gupai re.

Mo du na rubangirise ka zanga fuda aboro mbiko wai mo ayaka bero na kina bangisapai sa. Wai mo ayaka bero, mo amaka riro watadu gu kura mangapai, si naida si du na rogoyo ti ni. Mo fura zaaza gbe ho mo ayugo memeapai ni na ki fõ kpoto aboro yo sa mangapai. Ka gamo zaaza gbanga rii akuraha ho mo afura ni ya si andu ka fuda aboro.