WISIGOPAI 20

Gu Digisopai Du ni Wenehe

Batungusipai 12:13, 14

MEMEPAI: Rogo yangara afugoro, mo zungodi aboro i di gupai i nagihe kugume na ki mangipai kuti gupai i nawirikihe.

Yangara afugoro ndu sa na gupai mo naafura tipaha. Mo pepa memeapai na riipai.
Mo fõ kpoto aboro yo. Mo yugu gupai fuyo si aida i mangihe, na ki yugu gu wene ndupai si aida i mangihe ti ni. Mo fura fuyo ngba gu gene nika yugo na ni nga mo ima ida kuti gupai mo agumbaha.
Yangara afugoro du taata. Ka mo yengo na gu kura vovo memeapai ya. Ka mo mangisunge na kina bete afugo, si nika sayo i mangipai.

Ka mo oronga rii gamo digisidigisi afugo ya, na ka mo furanga kina boro kusende ya. Yangara afugoro yugu na ni nga gere nga mo nadigiso gamo afugo.