Gbata agu Aboro Du na Nyemupai

1. Yesu ayugu pa wai ka tungusa,

Gu pangbanga nga ga Kindo:

‘Oni gbata guni ka degetuni,

Du na nyemu ga Mbori apai.

Oni poi kuti irakporo ki ya:

Ga Mbori zereda du na mo.

Ka i adianga roni kugume ya,

Oni tadi nvutu ki guari.ʼ

2. Aguyo di roni kugume di ko,

Oni undoyo wenengai.

Gayo nyemu nyenye unga asa yo

I ye ka iriso Yekova.

Ka oni yanga, ‘gine mi ka pe ya?ʼ

Yekova nika undo roni.

Ka gaoni karagapai du na tikpo

Si angba ti bayee aboro.