Ga Mbori Ringbisapai Nga Gine Tipa Rani?

Baibiri ima ida kuti gupai nga raka aboro ‘ni kina guruhe gbua ki hi ahi be fudifudiapai.’ (Eyobo 14:1) Ya mo gi raka re du nzunzu Mbori aida ani raki he? Ka singia wo duhe te, gako ringbisapai tie nga gine tipa rani? Ya mo gu ringbisapai re adigisotihe adigiso nirengo? Mo bingo agu akaragapai nga ga wasa Baibiri afuhe.

1. Gini ngbatunga raka Yekova aida ani raki he?

Yekova naida ani raki gu raka du ni bawenehe gbe. Ho ko akusi bambata aboro ni nga Adamu na Eva, ko amoi yo rogo bawene paradizo nga ati Edene. Fuoho, ‘Mbori ki fu maku fu yo, Mbori ki ya fu yo, “Oni zúga azuga, ki nge ange, ki hisi kpotosende berewe ki zogo ho.”’ (Bambata Pai 1:28) Yekova aaida i vungu agude, ki sa kpotosende naabaha ni paradizo na kini ngerefuo anya. Gako ringbisapai tipa aboro angia i du na wene kpotoyo zanga kaza na i raki nyeanye kindi.

Wa vura duhe nga apai aandunga wa gu Mbori aakpinyemuhe te,a ga ko ringbisapai aˈarianga tihe te. (Yesaya 46:10, 11) Ko naida gupai kindi nga aboro giasangba raki nyeanye kindi zanga akpakarapai.—Mo gedi Yugoti 21:3, 4.

2. Waigu rengbe ani ka gbia ngbarago ti wene raka awere?

Yekova akusi rani na ‘agu azingo nga ga toro’ tirani, naida ka ya gu nyemupai du ani na ni ka inoko na kini irisiko. (Mo gedi Matayo 5:3-6.) Ko naida ani du na mbembedi pabakure na ko, ‘kaa peka kina gako apai, ki nikpi nyemu ko,’ na kini irisiko ‘na kpotoroni yo dũ.’ (Pa Fu Rugute ni Ue he 10:12; Atambuahe 25:14) Ho ani amangaha ni wo, ani ima rengba kadu na ndikidi ngbarago ka ani vura du vurũ rogo akpakarapai. Ho ani airiso Yekova ni, gaani raka nadu na ndikidi rogoyo mbiko ani naraka ngba gu gene Yekova aidaha.

3. Yekova naida aboro raki bawene raka

Mo bi gu VIDIO re, na tifuoho, mo ki sakipai tipa gu sanahe ngbefuoho.

VIDIO: Tipagine Mbori Akusi Kpotosende Ti Ni?—Paparaha (1:41)

• Tipagine Mbori akusi gaani bawene kpotosende ti ni?

Mo gedi Batungusipai 3:11, na tifuoho, mo ki sakipai tipa gi sanahe re:

• Ginipai gipai re ayugoho foro tipa Yekova?

4. Ga Yekova Ringbisapai aˈarianga tihe te

Mo gedi Atambuahe 37:11, 29 na Yesaya 55:11, na tifuoho, mo ki sakipai tipa gi sanahe re:

• Waigu ani aino gupai nga ga Yekova ringbisapai tipa rani aˈarianga tihe te?

5. Iriso Yekova nasa gaani raka si du na ndikidi rogoyo ti ni

VIDIO: Mi Awirikipai Tipa Gu Ringbisipai Du Tipa Raka (5:03)

• Waigu Terumi agbia undo ti wirikapai tipa gu ringbisapai du tipa raka?

Mo gedi Batungusipai 12:13, na tifuoho, mo ki sakipai tipa gi sanahe re:

• Mbiko wa Yekova naima manga dungu apai furani, waigu si aida ani yuguhe nga ani na tambuahe fuko?

GINIPAI MO NAWIRIKIHE?

Yekova naida ani gbia ngbarago ti raka nyeanye kindi zanga akpakarapai auru kpotosende ane. Ho ani airisoko ni na kpotorani yo dũ, gaani raka na du na ndikidi rogoyo ti ni—zavura awere.

Fugöpai

• Ga Yekova bambata ringbisapai angia gine tipa aAdamu na Eva?

• Waigu ani aino gupai nga ga Mbori ringbisapai tipa aboro aˈarianga tihe te?

• Waigu rengbe mo ka raka gu ndikidi raka du na rogoyo ti ni?

MO WETEKE GU KURA APAI

Mo bingo gu gopai nayugo gupai nga ati Edene aima du ho nirengo.

“Ati Edene—Rengo Du Watadu Ziree Du?” (Ngbaõbambu Sinziri, Ngi 1, 2011)

Mo wiriki ndu gupai rengbe ani ti ni ka ida kuti gupai nga kpotosende nika nyeanye kindi.

“Ya Mo I Agbarasa Kpotosende?” (Gu kekeapai du rogo gaani bangiriba nga ga Internet)

Mo wisigingo pai tipa gupai Baibiri apehe tipa wai rengbe mo ka raka gu raka du na rogoyo ti ni.

“Tipagine Aboro Araka Ti Ni?” (Gu kekeapai du rogo gaani bangiriba nga ga Internet)

Mo bingo wai gu kumba naberẽ gupai nga ko na ahe dunduko beko agbia guhe naakpa rogo gako raka yo.

Awere Mi Naraka gu Raka Du na Rogoyo Ti Ni (3:55)